დამატებულია კალათაში მარაგში არ არი საკმარისი რაოდენობა დამატებულია სურვილების სიაში უკვე დამატებულია სურვილების სიაში
სეზონის გახსნიდან დღემდე 100%-ით დატვირთულები ვართ  -  Hotel Chatini Mestia-ს დამფუძნებელი

სეზონის გახსნიდან დღემდე 100%-ით დატვირთულები ვართ -  Hotel Chatini Mestia-ს დამფუძნებელი

09-01-2025 10:00:00

2025 წლის დასაწყისში როგორცაა ჩვენი სასტუმრო დატვირთული, ასეთი ზამთარი მე არ მახსოვს, -  აცხადებს Hotel Chatini Mestia - სასტუმრო ჩათინი მესტია-ს დამფუძნებელი თათია ჯაფარიძე. მისი განმარტებით, Hotel Chatini Mestia-მ სეზონი ოფიციალურად 24 დეკემბრიდან გახსნა და „ამ დღის შემდეგ სრულიად სავსე ვართ“. 

„სეზონის გახსნიდან დღემდე 100%-ით ვართ დატვირთულები, აგვისტოს თვეშიც კი არ მქონია ასეთი დატვირთვა. ჯავშნები მაქვს როგორც იანვრის სრულ თვეზე, ისე თებერვალზე. 

ჯგუფური ჯავშნები წინასწარ მქონდა, მაგრამ არა 100%-ით. თუმცა დანარჩენი ჯავშნები აქტიურად შემოდის 3-4 დღით ადრე და სასტუმრო ივსება. მაგალითისთვის, რომ გითხრათ დღევანდელი დღის ჩათვლით მე ყველა ნომერი დაჯავშნილი და გაყიდული მქონდა“, - აცხადებს თათია ჯაფარიძე.

Hotel Chatini Mestia-ს დამფუძნებელი ამბობს, რომ მიუხედავად იმისა, რომ ჯავშნების გაუქმებები ჰქონდა, საბოლოო ჯამში სასტუმროს ჯავშნებმა მოლოდინს გადააჭარბა. 

აღსანიშნავია, რომ Hotel Chatini Mestia-ს აქტიურად სტუმრობენ, როგორც ქართველი ისე უცხოელი დამსვენებლები. 

გაზაფხული-ზაფხულის პერიოდში სტუმრების საშუალო ღამისთევების რაოდენობა 3-5 დღეა, თუმცა ზამთარში 5-დან 8 დღემდე.

Hotel Chatini Mestia ბუსტიკის ტიპის სასტუმროა, რომელიც 15 სასტუმრო ნომერს მოიცავს და ერთდროულად 35-მდე სტუმრის მიღების საშუალება აქვს.

ავტორი:

მაია არაბიძე
ავტორის ყველა სიახლე

უახლესი

მოსაზრება


მსგავსი სიახლეები