Business Insuder Georgia-სთან კომპანია Lineate-ს ბიზნესის განვითარების მენეჯერი თორნიკე სულაბერიძე აცხადებს, რომ 2024 წელს კომპანიის მიზანი გაორმაგება და ინვესტიციების ზრდაა. კომპანიის გეგმას წარმოადგენს ასევე ევროკავშირის ბაზარზე აქტიური ოპერირება.
„2024 წლისთვის ჩვენ ვგეგმავთ, რომ დასაქმებულთა რაოდენობა გავაორმაგოთ და ასევე ვგეგმავთ, რომ საქართველოდან აქტიურად დავიწყოთ გაყიდვები და საქართველოდან დავიწყოთ ევროპული ბზარის დაფარვა. ჩვენ ვგეგმავთ, რომ პირველ რიგში დავფაროთ დასავლური ევროპის ქვეყნები, როგორიცაა გერმანია და ევროკავშირის წამყვანი ეკონომიკები. ჩვენ 2023 წლის მეორე ნახევარში ვიყავით ლისაბონში და ეს ვიზიტიც იმას ემსახურებოდა, რომ პირველი ნაბიჯები გადაგვედგა, რათა ევროპულ ბაზარს გაეცნო კომპანია Lineate საკმაოდ წარმატებული ვიზიტი იყო და 2024 წელსაც გავაგრძელებთ გარკვეულ აქტივობას, იქნება ეს ფორუმები, კონფერენციები თუ სხვა ტიპის ვიზიტები. ვგეგმავთ, რომ საქართველოდან უკვე ქართულმა გუნდმა იაროს ამ მიმართულებით“, - აცხადებს თორნიკე სულაბერიძე.
