კომერციულ ბანკებში მომხმარებელთა მხრიდან დაფიქსირებული პრეტენზიების რაოდენობა შემცირდა

2025 წლის იანვრის მოგვენებით, კომერციულ ბანკებში დაფიქსირებული პრეტენზიების რაოდენობამ 2 083 ერთეული შეადგინა, რაც 2024 წლის დეკემბრის მაჩვენებლებთან შედარებით 9%-იანი კლებაა, ხოლო 2024 წლის იანვრის მაჩვენებლებთან 7%-იანი შემცირება. სებ-ის ინფორმაციით, 2024 წლის დეკემბერში კომერციულ ბანკებში მომხმარებელთა მხრიდან 2 295 პრეტენზია დაფიქსირდა, ხოლო 2024 წლის იანვარში  2 237 პრეტენზია.

იანვარში დაფიქსირებული პრეტენზიებიდან ყველაზე მეტი, საუბარია 62%-ზე მიმდინარე ანგარიშთან/სადებეტო ბარათთან დაკავშირებული პრეტენზიები იყო. მხოლოდ იანვარში სამომხმარებლო სესხთან დაკავშირებით კომერციულ ბანკები 272 პრეტენზია დაფიქსირდა.

რაც შეეხება პრეტენზიის ხასიათის მიხედვით სტატისტიკას, ის ასე გამოიყურება:

• ადმინისტრაცია/მომსახურება - 390
• მომსახურების საკომისიოები - 58
• რეკლამა, გაყიდვები, რჩევები - 1
• საპროცენტო შენატანები - 20
• სხვა გადასახდელები - 7
• ტრანზაქციები - 1136
• ჯარიმები და ვადაგადაცილების საკომისიოები - 94
• კრედიტის წინსწრებით დაფარვის საკომისიო  - 1
• თანამშრომლის მიერ არასწორად მიწოდებული ინფორმაცია - 43
• მომხმარებლის შესახებ კონფიდენციალური ინფორმაციის გაცემა - 24
• ხელშეკრულების პირობებთან დაკავშირებული პრეტენზიები - 222​
• ეთიკასთან დაკავშირებული - 15
• პრეტენზიები დაკავშირებული საკრედიტო ხელშეკრულების მხარის მიერ მესამე პირებთან დაკავშირებით - 1
• ეროვნული ბანკის პრეზიდენტის #32/04 ბრძანების მოთხოვნის დარღვევა ინფორმაციის მიუწოდებლობაზე  - 1
• სხვა - 70