Apple უკვე მეორე წელია მსოფლიოში ყველაზე ძვირადღირებული ბრენდია

Apple უკვე მეორე წელია მსოფლიოში ყველაზე ძვირადღირებული ბრენდია. ირკვევა, რომ ერთი წლის განმავლობაში ბრენდის ღირებულება წელიწადში 11%-ით გაიზარდა და 574,5 მილიარდი დოლარი შეადგინა. Brand Finance Global 500-ის თანახმად, რეიტინგში მეორე ადგილი კვლავ Microsoft-მა დაიკავა, რომელმაც 35%-იანი ზრდა (461,1 მილიარდ დოლარამდე) აჩვენა, ხოლო მესამე პოზიციაზე Google-ია (+24%, 413 მილიარდი დოლარით), მეოთხე ადგილს Amazon-ი (+15%-მდე,  $356,4 მილიარდი) იკავებს

Walmart-მა წელს მეექვსე ადგილიდან მეხუთე ადგილზე გადმოინაცვლა, მისი ღირებულება წელიწადში  42%-ით გაიზარდა და $137,2 მილიარდი შეადგინა.

ყველაზე ძვირადღირებული ბრენდების ათეულში ასევე მოხვდა Samsung-ი ($110.6 მილიარდი), TikTok-ი ($105.8 მილიარდი), Facebook-ი ($91.5 მილიარდი), Nvidia ($87.9 მილიარდი) და State Grid Corporation of China (85.6 მილიარდი დოლარი). ირკვევა, რომ Nvidia-ს ბრენდის ღირებულება ერთ წელიწადში თითქმის გაორმაგდა.

Deutsche Telekom აღიარებულ იქნა ევროპის ყველაზე ძვირადღირებულ ბრენდად, რომელიც საერთო რეიტინგში მე-11 ადგილს იკავებს (+16%, $85,3 მილიარდი).

ყველაზე ძვირადღირებული ბრენდების რეიტინგშიInstagram მე-12 ადგილზეა (79,9 მილიარდი დოლარი).

იაპონურ ბრენდებს შორის ლიდერი Toyota აღმოჩნდა, რომელიც რეიტინგში მე-18 ადგილზეა ($64,7 მილიარდი, +23%).

ტოპ 500-ში შედის 193 ამერიკული ბრენდი, რაც მთლიანი ღირებულების ნახევარზე მეტს შეადგენს, ნათქვამია მოხსენებაში. ჩინეთი რეიტინგში წარმოდგენილია 69 ბრენდით, გერმანია 27 ბრენდით  (შესაბამისად, მთლიანი ღირებულების 15% და 6%).

მსოფლიოს 500 ყველაზე ძვირფასი ბრენდის ერთობლივი ღირებულება გასული წლის განმავლობაში 10%-ით გაიზარდა და თითქმის 9,5 ტრილიონი დოლარი შეადგინა.