საქართველოს რომელ რეგიონშია საბანკო სესხები ყველაზე ძვირი

საქართველოს ეროვნული ბანკის მონაცემებით, კომერციული ბანკების მიერ გაცემული სესხების მოცულობა (ბანკთაშორისი სესხების გარდა), 2023 წლის ივნისში, წინა თვესთან შედარებით 1.60 მლრდ ლარით (3.50%-ით) გაიზარდა (გაცვლითი კურსის ეფექტის გარეშე, 2.72%-ით გაიზარდა) და ივნისის ბოლოს 47.33 მლრდ ლარი შეადგინა.

ამავე პერიოდში ეროვნული ვალუტით გაცემული სესხების მოცულობა 633.62 მლნ ლარით (2.50%-ით) , ხოლო უცხოური ვალუტით გაცემული სესხების მოცულობა 968.12 მლნ ლარით (4.74%-ით) გაიზარდა (გაცვლითი კურსის ეფექტის გარეშე, გაიზარდა 3.00%-ით).

როგორია სესხებზე კომერციული ბანკების წლიური შეწონილი საპროცენტო განაკვეთები საქართველოს რეგიონების მიხედვით: 

• რაჭა-ლეჩხუმი, ქვემო სვანეთი- 17,48%
• სამეგრელო ზემო-სვანეთი - 15,39%;
• გურია - 17,20%;
• აჭარა - 11,82%;
• სამცხე-ჯავახეთი - 17,34;
• იმერეთი -14,42%
• შიდა ქართლი - 14,38%;
• მცხეთა-მთიანეთი - 15,22%;
• თბილისი - 11,66%;
• ქვემო ქართლი - 15,14%;
• კახეთი - 15,67%

(სია არ არის დალაგებული რეიტინგის მიხედვით)