„დღეისათვის, საპენსიო სააგენტო რეგიონში საუკეთესო შედეგებს აჩვენებს, ინვესტირებიდან მიღებული სარგებელი უკვე 600 მილიონს აჭარბებს“ - ამის შესახებ ინფორმაციას საპენსიო სააგენტო ავრცელებს.
მათი ცნობით, საპენსიო სააგენტოს და საქართველოს ბიზნეს ასოციაციის ერთობლივი ორგანიზებით დამსაქმებლებთან სასტუმრო "ჰოლიდეი ინნ“ -ში გაფართოებული შეხვედრა გაიმართა.
შეხვედრას საპენსიო სააგენტოს უფროსი საინვესტიციო ოფიცერი გოგა მელიქიძე და უფროსი საინვესტიციო ოფიცრის მოადგილე ლევან ვერძეული უძღვებოდნენ. გოგა მელიქიძემ წარმოადგინა პრეზენტაცია, განიხილა საინვესტიციო პროცესები და არსებული შედეგები. განსაკუთრებული ყურადღება დაეთმო სიახლეს, რომელსაც 6 აგვისტოდან აამოქმედებს საპენსიო სააგენტო.
კერძოდ, 6 აგვისტოდან ამოქმედდება სამი განსხვავებული საინვესტიციო პორტფელი. დამზოგველებს შეეძლებათ მათი დაგროვილი თანხა რისკიანობის სხვადასხვა პორტფელში განათავსონ.
„დღეისათვის, საპენსიო სააგენტო რეგიონში საუკეთესო შედეგებს აჩვენებს, ინვესტირებიდან მიღებული სარგებელი უკვე 600 მილიონს აჭარბებს. მნიშვნელოვანია, რომ ყველა მონაწილემ იცოდეს ის შესაძლებლობა რაც 6 აგვისტოდან ეძლევა. მათ მიერ შერჩეული საინვესტიციო პორტფელის მიხედვით მოხდება დანაზოგების განთავსება და ინვესტირება, რაც მეტი სარგებლის მიღების საშუალებას მისცემს ყველა დასაქმებულს რომელიც ჩართულია სქემაში“, - აცხადებენ სააგენტოში.
უახლესი
11 საათის წინ
2025 წელს ვგეგმავთ აშშ-ის ბაზარზე შესვლას - „კერკი“12 საათის წინ
1 აშშ დოლარის ოფიციალური ღირებულება 2.8021 ლარი გახდა
