პოლონეთში ექსპორტი 11%-იან ზრდას, ხოლო იმპორტი 16%-იან ზრდას აჩვენებს

პოლონეთში ექსპორტი 11%-იან ზრდას, ხოლო იმპორტი 16%-იან ზრდას აჩვენებს. საქსტატის ინფორმაციით, 2024 წლის იანვარ-ოქტომბერში საქართველომ პოლონეთში 44,096.35 ათასი დოლარის პროდუქცია გაგზავნა, 2023 წლის 10 თვეში კი 39,781.49 ათასი დოლარის. შესაბამისად პოლონეთში ექსპორტი 10.8%-ითაა გაზრდილი.

სტატისტიკური მაჩვენებლების მიხედვით, საქართველოდან პოლონეთში ნომერ პირველი საექსპორტო პროდუქტი ღვინოა, რომელზედაც ამ ქვეყანაში ექსპორტის 29%-ი მოდის.

TOP 5 პროდუქტი, რასაც საქართველო პოლონეთში ყიდის:

• ყურძნის ნატურალური ღვინოები - 12,985.02 ათასი დოლარი,
• მზა ნაწარმი სხვა, ტანსაცმლის თარგების ჩათვლით - 6,950.15 ათასი დოლარი,
• თხილი და სხვა კაკალი - 3,667.01 ათასი დოლარი,
• ტომრები და პაკეტები შესაფუთი - 3,273.21 ათასი დოლარი,
• რეზინის პნევმატური სალტეები და საბურავები, ახალი - 2,715.15 ათასი დოლარი.

რაც შეეხება იმპორტს აქ 16,3%-იანი ზრდა ფიქსირდება. საქსტატის ინფორმაციით, 2024 წლის იანვარ-ოქტომბერში საქართველომ პოლონეთიდან 253,701.63 ათასი დოლარის პროდუქცია იყიდა, 2023 წლის ანალოგიურ პერიოდში კი 218,184.96 ათასი დოლარის. პოლონეთიდან იმპორტში ნომერ პირველი საიმპორტო პროდუქტი ავტომობილებია.

TOP 5 პროდუქტი, რასაც საქართველო პოლონეთიდან ყიდულობს: 

• ავტომობილები, განკუთვნილი 10 კაცის ან მეტის გადასაყვანად, მძღოლის ჩათვლით - 38,242.53 ათასი დოლარი,
• სამკურნალო საშუალებები დაფასოებული - 9,054.72 ათასი დოლარი,
• მსუბუქი ავტომობილები - 8,607.90 ათასი დოლარი,
• სატვირთო ავტომობილები - 8,456.64 ათასი დოლარი,
• ტრაქტორები და უნაგირა საწევარები - 6,304.02 ათასი დოლარი.