კომპანიისთვის 2024 წელს დადებითად შევაფასებ, რადგან კომპანიის ცნობადობა და გაყიდვები მნიშვნელოვნად გაიზარდა, - ამის შესახებ Business Insider Georgia-ს კომპანია Nano Filter-ის დირექტორმა ვახტანგ ლობჟანიძემ განუცხადა.
მისი ინფორმაციით, კომპანიის გაყიდვები მიმდინარე წელს, 2023 წელთან შედარებით, ზრდამ ყველა მიმართულებით, მათ შორის პროდუქციის რეალიზაციაში თითქმის 90% შეადგინა.
„ამ სფეროს მიმართ ინტერესი გაიზარდა. მაგალითად ვინც აშენებს ახალ სახლს, ან არემონტებს, ამ ადამიანებს გავაცანით თუ რისთვის არის წყლის ფილტრაცია საჭირო“, - აცხადებს ვახტანგ ლობჟანიძე.
Nano Filter-ის დირექტორი აცხადებს, რომ კომპანია როგორც საცალო, ისე საბითუმო მიმართულებით წარმატებულად მუშაობს.
„კორპორაციული დამკვეთისთვის რამდენიმე დიდი პროექტი გავაკეთეთ. ახლაც ვმუშაობთ ამ მიმართულებით. რაც შეეხება საცალოს, წლიდან-წლამდე იზრდება. ჩვენი კომპანიის პროდუქცია წარმოდგენილია „კარფურში“, „ნოვას“ ქსელში, სადაც გაყიდვები თვიდან-თვემდე მზარდია“, - ამბობს ვახტანგ ლობჟანიძე. .
Nano Filter-ი ფლობს ერთ შოურუმს თბილისში თუმცა 2025 წელს ბრენდული მაღაზიის გახსნას გეგმავს, შემდეგ კი რეგიონებში გაფართოებას.
უახლესი
