აშშ-ში ინფლაციის მონაცემების ოფიციალურ გამოქვეყნებამდე ოქროს ფასი დაეცა

დღეს, დილით, ოქროს ფასი ზომიერად დაეცა, იმ ფონზე, როცა ინვესტორები აშშ-ში სამომხმარებლო ფასების სტატისტიკას ელოდებიან.

ნიუ-იორკის Comex-ის ბირჟაზე ოქროს ივნისის ფიუჩერსების ფასი 5,95 აშშ დოლარით (0,29%) დაეცა და ტროას უნციაზე 2 037,05 დოლარი შეადგინა.

ასევე, 0,22%-ით დაეცა ფასი ვერცხლის ივლისის ფიუჩერსებზე და უნციაზე 25,84 აშშ დოლარი შეადგინა.

ექსპერტების პროგნოზით, აშშ-ში წლიური ინფლაცია აპრილში 5%-ის დონეზე დარჩა, როგორც ეს ერთი თვით ადრე დაფიქსირდა.

ოქრო მგრძნობიარეა აშშ-ს ასეთი სტატისტიკის მიმართ. ეს აისახება ფედერალური სარეზერვო სისტემის მონეტარული პოლიტიკაზე, რაც, თავის მხრივ, დოლარის კურსზეც ჰპოვებს გავლენას.

აშშ-ის ფედერალური სარეზერვო სისტემის შემდეგი სხდომა 14-15 მაისს გაიმართება.

CME Group-ის მონაცემებით, ანალიტიკოსების 74,2% ელოდება, რომ რეფინანსირების განაკვეთი წლიური 5-5,25%-ის დონეზე დარჩება, დანარჩენი კი 0,25 პროცენტული პუნქტით გაზრდის პროგნოზირებს.