გერმანია საქართველოს მოლდოვასთან ერთად უსაფრთხო ქვეყნებად აღიარებას გეგმავს. აღნიშნულის შესახებ ინფორმაციას dw.com ქვეყნის შს მინისტრზე ნენსი ფეზერიზე დაყრდნობით ავრცელებს.
„ორივე ქვეყანას სურს ევროკავშირში გაწევრიანება. ორივე სახელმწიფოში ადამიანებს, ჩვეულებრივ, არ ემუქრებათ დევნა პოლიტიკური მიზეზებით. ამას გარდა, გერმანიაში თავშესაფრის თითქმის ყოველი მეათე მაძიებელი ამ ქვეყნებიდანაა ჩამოსული და მათი უსაფრთხო სახელმწიფოებად აღიარება საშუალებას მოგვცემს, საკმაოდ სწრაფად და ეფექტიანად შევამციროთ არალეგალური მიგრაცია“, – განაცხადა გერმანიის შს მინისტრმა.
მინისტრმა აღნიშნა, რომ გერმანია მოლდოვასა და საქართველოსთან მიგრაციის სფეროში შეთანხმების გაფორმებას გეგმავს. მინისტრის განმარტებით, მოლდოვა და საქართველო აიღებენ ვალდებულებას, უკან მიიღონ მოქალაქეები, რომლებსაც გერმანიაში დარჩენის უფლება არ აქვთ.
უახლესი
10 საათის წინ
მეღვინეობა „ჩელთი“ ჩეხეთის ბაზარზე შევიდა12 საათის წინ
1 აშშ დოლარის ოფიციალური ღირებულება 2.7136 ლარი გახდა
