ვისოლ ჯგუფი, რომელიც ყოველწლიურად ფართოვდება, 2025 წელს დასვენებისა და მომსახურების კომპლექსების მიმართულებით გაფართოებასაც განიხილავს. როგორც Business Insider Georgia-სთან „ვისოლის“ გენერალურმა დირექტორმა ვასილ ხორავამ განაცხადა, მათი განვითარება ახალ მაგისტრალებზე მოხდება.
„ვისოლის 2025 წლის გეგმა არის რებენდინგის გაკეთება, ხოლო რაც შეეხება ქსელის გაფართოების მიმართულებით ვფიქრობთ, რომ ეს მოხდეს მაგისტრალურ გზებზე, რამეთუ ჩვენი კომპანია და ჯგუფი განსხვავდება ყველა სხვა ჩვენი კონკურენტი კომპანიისგან, რადგანაც ჩვენ ვახორციელებთ ერთიანი სერვისების მიწოდებას, სერვისების რომელიც არ გულისხმობს მხოლოდ ნავთობპროდუქტებს. აქ შედის სხვადასხვა ტიპის სერვისები, სწრაფი კვება, მაღაზიის ინფრასტრუქტურა, ავტო-ტექ მომსახურება და სხვადასხვა. ამიტომ ჩვენს ნიშას ვუყურებთ, რომ მეტი განვითარება მოხდეს მაგისტრალებზე იმისდა მიხედვით, რა მაგისტრალებიც საბედნიეროდ და საკეთილდღეოდ დაემატება ქვეყანას“, - განაცხადა ვასილ ხორავამ
აღსანიშნავია, რომ ვისოლი დღეისათვის 150-მდე ავტოგასამართ სადგურს და 2 დასვენებისა და მომსახურების კომპლექსს აერთიანებს.
უახლესი
