2023 წლის პირველ კვარტალში საქართველოდან 20 817 ავტომობილის რეექსპორტი განხორციელდა. ამის შესახებ საქართველოს შინაგან საქმეთა სამინისტროს ვებგვერდზე განთავსებულ მასალებშია ნათქვამი.
შსს-ს მონაცემებით, მთლიანი მანქანების რეექსპორტიდან 4 866 ავტომობილი 5 წელზე ნაკლები ასაკისაა, 2023 წელს წარმოებულია 59, ხოლო 5-დან 10 წლამდე ასაკისაა 6 778 ავტომობილი.
გარდა ამისა, საქართველოდან რეექსპორტზე გავიდა 10-დან 15 წლამდე ასაკის 5 087 ავტომობილი და 15-დან 20 წლის წინ წარმოებული 3 862 ავტომობილი.
დანარჩენი რეექსპორტირებული მანქანები 20 წელზე მეტი ასაკის იყო. ყველაზე ძველი რეექსპორტირებული მანქანა 1930 წელს იყო გამოშვებული. .
საქართველოდან ექსპორტირებული ყველაზე პოპულარული ბრენდებია - Toyota, Hyundai და KIA.
უახლესი
