მიმდინარე წლის მეორე კვარტალში ყაზახეთის KazTransOil -მა, აქტაუს პორტში მდებარე თენგიზ საბადოდან ბაქო-თბილისი-ჯეიჰანის ნავთობსადენით 347 100 ტონა ნავთობის ექსპორტი განახორცოელა.
ამის შესახებ აზერბაიჯანულ Trend-ს კომპანიის წყარომ განუცხადა.
ინფორმაციის თანახმად, ეს მაჩვენებელი 18-ჯერ აღემატება პირველ კვარტალს, როდესაც თენგიზის საბადოდან 19 200 ტონა ნავთობი იყო გადაზიდული.
2022 წელს ყაზახეთის რესპუბლიკის პრეზიდენტმა ყასიმ-ჟომართ თოყაევმა გასცა ბრძანება ტრანსკასპიის დერეფნის გასწვრივ ნავთობის ტრანსპორტირების გაზრდის შესახებ.
ამ ინსტრუქციის შესაბამისად, სს NC KazMunayGas-მა და აზერბაიჯანის რესპუბლიკის სახელმწიფო ნავთობკომპანიამ (SOCAR) გააფორმეს ხელშეკრულება, რომელიც ითვალისწინებს წელიწადში 1,5 მილიონი ტონა ნავთობის ტრანსპორტირებას თენგიზის საბადოდან ბაქო-თბილისი- ჯეიჰანის ნაბთობსადენით.
იმავდროულად, 2023 წლის პირველ კვარტალში KazTransOil-მა მნიშვნელოვნად გაზარდა ნავთობის ტრანსპორტირების მოცულობა მისი მთავარი მილსადენის სისტემით.
მთლიანმა მოცულობამ 10,3 მლნ ტონას მიაღწია, რაც გასული წლის ანალოგიურ პერიოდთან შედარებით 591 000 ტონით ზრდას წარმოადგენს.
უახლესი
