საქართველოში იახტების შემოყვანის მაჩვენებელი მზარდია - რას აჩვენებს სტატისტიკა

საქართველოში იახტების შემოყვანის მაჩვენებელი მზარდია. ამას თავად საქსტატის მაჩვენებლები მოწმობს, საიდანაც ირკვევა, რომ ქვეყანაში იმპორტირებული იახტების და დასვენებისთვის ან სპორტული მიზნებისთვის განკუთვნილი მოცურავე საშუალებების იმპორტი ღირებულებით ნაწილში მზარდია.

2024 წლის იანვარ-მაისში ქვეყანაში 1,179.25 ათასი დოლარის იახტები შემოვიდა, 2023 წლის ანალოგიურ პერიოდში კი 981.24 ათასი დოლარი, შესაბამისად ზრდა 20%-ია.

სტატისტიკური მონაცემების თანახმად, ქვეყანაში შემოსული იახრებს დიდი წილი აშშ-დამ შემოდის, ყოველ შემხვევში ამ ქვეყანაზე მოდის შემოყვანილი იახტების საერთო ღირებულების 50%-ი. 30%-ით მეორე ადგილზე ბელგიაა.

TOP-5 ქვეყანა, საიდანაც საქართველომ იახტები და სხვა მოცურავე საშუალებები შემოიყვანა:

• აშშ - 587.30 ათასი დოლარი;
• ბელგია - 327.32 ათასი დოლარი;
• უკრაინა - 63.69 ათასი დოლარი;
• კანადა - 60.46 ათასი დოლარი;
• პორტუგალია - 46.47 ათასი დოლარი.

წლიურ ჭრილში ქვეყანაში იახტების შემოყვანის რეკორდი ღირებულებით ჭრილში 2022 წელს დაფიქსირდა, როდესაც ქვეყანამ 4,125.28 ათასი დოლარის იახტები იყიდა.