თბილისის გასტრონომიულ ბაზარზე ცოტა ხნის წინ გახსნილი საერთაშორისო ბრენდი Cinnabon®-ი , მომხმარებლებისთვის სიახლეებს აანონსებს, რომლის შესახებაც კომპანიის წარმომადგენელმა Business Insider Georgia-სთან ისაუბრა.
“2025-ში ჩვენს ასორტიმენტს დაემატება სხვადასხვა გემოები. მრავალფეროვნება გვექნება, როგორც დარიჩინის, ასევე არა დარიჩინის როლების მხრივაც“, - აღნიშნავს Cinnabon® Georgia-ს პიარ-დირექტორი ქეთი ფეიქრიშვილი.
ბრენდი დიდი პოპულარობით სარგებლობს ქართულ ბაზარზე - მომხმარებლების რაოდენობა კი მზარდი ტენდენციით ხასიათდება.
„საგრძნობლად გაიზარდა მოთხოვნა. 2024-ის ბოლოსკენ მნიშნელოვანი მატება იყო. ახალი წლის შემდეგაც დიდი დატვირთვით ვმუშაობთ“, - აცხადებს ქეთი ფეიქრიშვილი.
კომპანიისთვის 2024 წელი საკმაოდ ნაყოფიერი აღმოჩნდა. მიუხედავად იმისა, რომ კომპანია ბაზარზე მაისის თვეში გამოჩნდა, შეძლო ერთგული მომხმარებლების შეძენა.
„2024 წელმა მოლოდინს გადააჭარბა. ბრენდი ახალი შემოსულია ბაზარზე, თუმცა აღნიშნული ხელისშემშლელი ფაქტორი არ აღმოჩნდა იმისთვის, რომ დაგვემსახურებინა ხალხის ერთგულება და ნდობა. ვგულისხმობთ, არამხოლოდ უცხოელ მომხმარებლებს არამედ, ქართველებსაც, რომლებმაც გაიცნეს ჩვენი ბრენდი და თვიდან თვემდე ბევრი ერთგული ქართველი მომხმარებელიც გვემატება. ამ ეტაპზე ორი ობიექტი გვაქვს, რომელიც სითი მოლსა და გალერია თბილისში მდებარეობს. სითი მოლის ფილიალის გახსნა ახალ წლამდე მოხდა. ორივე ობიექტი წარმატებულად მუშაობს და სწორედ ამიტომ 2025 წელს ვგეგმავთ ობიექტების დამატებას. შეიძელბა ორი ობიექტი ერთად დავამატოთ. ლოკაცია ჯერ-ჯერობით უცნობია, თუმცა შეიძლება იყოს თბილისში ან თბილისის გარეთ, რომელიმე რეგიონი. ამ ეტაპზე ვმუშაობთ აღნიშნულ საკითხზე“, - განმარტავს Cinnabon® Georgia-სპიარ-დირექტორი ქეთი ფეიქრიშვილი.
უახლესი
34 წუთის წინ
განვითარებაზე ორიენტირებული ბრენდი ვართ - IKANI2 საათის წინ
ლარის კურსი დოლართან და ევროსთან გამყარდა4 საათის წინ
SOCAR-ი მწვანე ობლიგაციების გამოშვებას იწყებს5 საათის წინ
საერთაშორისო ბაზარზე ოქროს ფასი იზრდება
