მედიასთან საუბრისას საქართველოს საგარეო საქმეთა მინისტრმა მაკა ბოჭორიშვილმა ამერიკასთან სტრატეგიული ურთიერთობების გადატვირთვაზე ისაუბრა.
მისი თქმით, პოზიტიური მოლოდინი აქვს და შეერთებულ შტატებთან სრული თანხვედრაა სხვადასხვა პოლიტიკურ თუ სტრატეგიულ საკითხთან დაკავშირებით.
„ჩვენ, რა თქმა უნდა, გვესმის თეთრი სახლის განცხადებები სხვადასხვა საკითხთან დაკავშირებით, რაც ასევე მნიშვნელოვანია საქართველოსთვის და საქართველოს ხელისუფლებისთვის, სადაც ჩვენ გვაქვს სრული თანხვედრა პოზიციებთან დაკავშირებით, რაც იძლევა ოპტიმიზმის საფუძველს ურთიერთობებთან დაკავშირებით.
რაც შეეხება სტრატეგიული ურთიერთობების შინაარსს, ჩვენ არაერთხელ გვითქვამს და კიდევ ერთხელ გავიმეორებ, საქართველოს მხრიდან არის სრული მზაობა იმისათვის, რომ ურთიერთობები ამერიკის შეერთებულ შტატებსა და საქართველოს შორის გადაიტვირთოს პოზიტიურ კონტექსტში და რა თქმა უნდა, საუბარი გვქონდეს კონკრეტულ საკითხებზე, რაც ორ ქვეყანას შორის ურთიერთობებს წაადგება“, - განაცხადა მაკა ბოჭორიშვილმა უნგრეთში, ქართველ ჟურნალისტებთან საუბრისას.
უახლესი
