საქართველოს კონკურენციისა და მომხმარებლის დაცვის სააგენტოს (GCCA) მიერ წარდგენილი შუამდგომლობა თბილისის სააპელაციო სასამართლომ - ქ. რუსთავის ავტობაზრობის საქმის მოკვლევის ფარგლებში დააკმაყოფილა.
ავტოიმპორტიორების ერთობლივი საჩივრის საფუძველზე, მოპასუხე ეკონომიკური აგენტების - შპს ,,რუსთავის ავტობაზრობისა“ და შპს ,,მიკადო ჯორჯიას“ მხრიდან შესაძლო დომინანტური მდგომარეობის ბოროტად გამოყენების მიმართულებით საქმის მოკვლევა მიმდინარეობს. საქმის მოკვლევის პროცესში, არსებითი მნიშვნელობის მქონე გარემოებების დადგენის მიზნით, მოპასუხე ეკონომიკური აგენტებისგან, GCCA-მ შესაბამისი დოკუმენტაცია გამოითხოვა. აღნიშნულმა კომპანიებმა, GCCA-ის წერილის ჩაბარების მიუხედავად, განსაზღვრულ ვადაში, გამოთხოვილი დოკუმენტაცია არ წარმოადგინეს, ხოლო ვადის დარღვევის შემდგომ, სააგენტოს არასრული სახით მიაწოდეს, რის გამოც ეკონომიკურ აგენტები რამდენჯერმე დაჯარიმდნენ.
საბოლოოდ, GCCA-მ საქართველოს კანონმდებლობით გათვალისწინებული ზომა გამოიყენა და თბილისის საქალაქო სასამართლოს შუამდგომლობით მიმართა. სასამართლოს ორი ინსტანციის მიერ დაკმაყოფილდა სააგენტოს მოთხოვნა ეკონომიკური აგენტებისგან ინფორმაციის/დოკუმენტაციის გამოთხოვის შესახებ. შესაბამისად, შპს ,,რუსთავის ავტობაზრობას,“ აგრეთვე შპს ,,მიკადო ჯორჯიას“ გამოთხოვილი ინფორმაციის სასამართლოს მიერ განსაზღვრულ ვადაში მოწოდება დაევალათ.
უახლესი
