როგორი სავაჭრო ურთიერთობები აქვს სომხეთსა და საქართველოს

საქართველოდან სომხეთში ექსპორტი 22%-ითაა შემცირებული, ხოლო იმპორტი 30%-ით. საქსტატის ინფორმაციით, 2024 წლის განმავლობაში საქართველომ სომხეთში ექსპორტზე 617,533.53 ათასი დოლარის ღირებულების პროდუქცია გაიტანა, 2023 წელს კი 787,159.92 ათასი დოლარის, შესაბამისად კლება 21,5%-ის დონეზეა. 

ირკვევა, რომ საქართველოდან სომხეთში ნომერ პირველი საექსპორტო პროდუქტი მსუბუქი ავტომობილებია.

TOP-5 პროდუქტი, რასაც საქართველო სომხეთში ყიდის:

• მსუბუქი ავტომობილები - 99,658.16 ათასი დოლარი;
• ეთილის სპირტი არადენატურირებული, სპირტის კონცენტრაციით 80 მოც.%-ზე ნაკლები, სპირტიანი სასმელები - 48,029.99 ათასი დოლარი;
• ნავთობი და ნავთობპროდუქტები - 22,601.02 ათასი დოლარი;
•  ბულდოზერები, ავტოგრეიდერები, ექსკავატორები, სატკეპნი მანქანები და სხვა - 22,001.11 ათასი დოლარი;
•  სატვირთო ავტომობილები - 14,684.01 ათასი დოლარი.

რაც შეეხება იმპორტს, 2024 წელს სომხეთიდან იმპორტი 29.8%-ითაა შემცირებული. ირკვევა, რომ 2024 წელს საქართველომ სომხეთიდან 236,177.94 ათასი დოლარის პროდუქცია იყიდა, 2023 წელს კი 336,529.36 ათასი დოლარის. სომხეთიდან ნომერ პირველი საიმპორტო პროდუქტი სპილენძის მადნები და კონცენტრატებია.

TOP-5 პროდუქტი, რასაც საქართველო სომხეთიდან ყიდულობს:

• მადნები და კონცენტრატები სპილენძის - 68,904.97 ათასი დოლარი;
• ნახევარფაბრიკატები ნახშირბადიანი ფოლადისაგან - 24,017.23 ათასი დოლარი;
• სიგარები, სიგარილები და სიგარეტები თამბაქოს ან მისი შემცვლელებისაგან - 21,622.40 ათასი დოლარი;
• ბოცები, ბოთლები და სხვა მინის ტევადობები - 20,181.23 ათასი დოლარი;
• მადნები და კონცენტრატები ძვირფასი ლითონებისა - 16,616.12 ათასი დოლარი;