საერთაშორისო რესპუბლიკური ინსტიტუტის (IRI) საზოგადოებრივი აზრის კვლევის თანახმად, გამოკითხულთა უმეტესობა ფიქრობს, რომ საქართველოს დემოკრატიული განვითარებისა და მომავლისთვის ყველაზე დიდი გამოწვევა ეკონომიკური განვითარებაა.
კითხვაზე, რა არის სამი ყველაზე დიდი გამოწვევა საქართველოს დემოკრატიული განვითარებისა და მომავლისთვის, გამოკითხულთა 29% ეკონომიკური განვითარებას ასახელებს, უმუშევრობას -14%, დაკარგული ტერიტორიების დაბრუნებას -18%.
ამასთან, კითხვაზე, რა არის ყველაზე მნიშვნელოვანი პრობლემა, რომლის წინაშეც დღეს ქვეყანა დგას, გამოკითხულთა პასუხები ასე გამოიყურება: ეკონომიკა – უმუშევრობა 37%, ცხოვრების ხარჯები, მაღალი ფასები -17%, სხვა საკითხები – 7%; სიღარიბეს ასახელებს გამოკითხულთა 7%, განათლებას – 4%, პოლიტიკური პოლარიზაციას – 3%, გარე კონფლიქტები/ომი -3%.
საერთაშორისო რესპუბლიკური ინსტიტუტის კვლევის თანახმად, კითხვაზე როგორ აღწერდით თქვენი ოჯახის ეკონომიკურ მდგომარეობას, ძალიან კარგს პასუხობს 4%, ნაწილობრივ კარგი – 59%, ნაწილობრივ ცუდი -27%, ძალიან ცუდი-10%.
