ამერიკული კომპანიები AI ინფრასტრუქტურის განვითარებაში 500 მლრდ დოლარს ინვესტიციას განახორციელებენ. აღნიშნულის შესახებ განცხადება აშშ-ის პრეზიდენტმა დონალდ ტრამპმა გააკეთა, რომელმაც ქვეყანაში ხელოვნური ინტელექტის ინფრასტრუქტურის დასაფინანსებლად კერძო სექტორის ინიციატივებზე ისაუბრა. პრეზიდენტი ამბობს, რომ OpenAI, SoftBank-ი და Oracle-ი ერთობლივ კომპანიას დააფუძნებენ, რომლის სახელიც Stargate-ი იქნება. ასევე, აღნიშნული კომპანიები ახალ მონაცემთა ცენტრებს ააშენებენ და 100 000-ზე მეტ სამუშაო ადგილს შექმნიან.
Stargate-ის დამფუძნებელი კომპანიები 100 მლრდ დოლარის ინვესტიციას დაუყოვნებლივ განახორციელებენ, დარჩენილ თანხას კი მომდევნო ოთხი წლის განმავლობაში დააინვესტირებენ.
მთლიანობაში 20 ერთეული მონაცემთა ცენტრის აშენება იგეგმება.
დონალდ ტრამპმა ინიციატივას ისტორიაში ყველაზე მსხვილი AI-ინფრასტრუქტურის პროექტი უწოდა.
უახლესი
16 საათის წინ
ჯივიპიმ 2024 წლის საქმიანობის შედეგები შეაჯამა17 საათის წინ
თურქეთმა რეფინანსირების განაკვეთი 45%-მდე შეამცირა
