რუსული ავიაკომპანია Azimuth-ის საჰაერო ხომალდს ანტალიის აეროპორტში დაშვებისას ცეცხლი გაუჩნდა. თვითმფრინავის ბორტზე, რომელიც სოჭი-ანტალიის რეისს ასრულებდა 89 მგზავრი და ეკიპაჟის 6 წევრი. ავიაკომპანიის ინფორმაციით, მათი ევაკუაცია სათადარიგო ტრაპებით განხორციელდა. ირკვევა, რომ ხანძრის ხანძრის ჩაქრობა უმოკლეს ვადაში მოხდა. წინასწარი ინფორმაციით, Sukhoi Superjet 100-ის ძრავს ცეცხლი ე.წ. ხისტი დაშვების გამო გაუჩნდა, რაც თავის მხრივ ძლიერმა ქარმა გამოიწვია. აღსანიშნავია, რომ Azimuth-ი რუსეთის სხვადასხვა ქალაქიდან საქართველოშიც ასრულებს ფრენებს.
