30 მაისს საქართველო ლეგენდარულ როკ ბენდს Guns N' Roses - ს უმასპინძლებს. როკის ლეგენდა მსმენელის წინაშე „Starring Georgia-ს“ ფარგლებში, ციცინათელას პარკში წარდგება.
ბილეთები უკვე ხელმისაწვდომია https://tkt.ge/event/461635/guns-n-roses. მათი ფასი 280 ლარიდან 1000 ლარამდე მერყეობს, თუმცა Starring Georgia -ს მუსიკალური ოდისეის ლოიალურ თანამგზავრებს - მათ, ვინც უკვე ფლობთ Starring Card-ს გაქვთ შესაძლებლობა ყველა კატეგორიის ბილეთი 20%-იანი ფასდაკლებით შეიძინოთ. გაითვალისწინეთ, რომ შეთავაზებები მოქმედებს პირველ თებერვლამდე.
გარდა ამისა ყველა მელომანს შეუძლია ისარგებლოს შეთავაზებით „გადაანაწილე“ და ბილეთის თანხა ოთხად გაყოს.
აღსანიშნავია, რომ 1 მომხმარებელს მაქსიმუმ 4 ბილეთის შეძენა შეუძლია.
Guns N' Roses ლოს ანჯელესში დაარსებული როკ ბენდია, რომელიც უკვე 40 წელია როკ მუსიკის ოლიმპოს მთაზე დამსახურებულ ადგილს არავის უთმობს. კლასიკური როკის ჟღერადობის მეტალის ხასიათთან საინტერესო შეზავებით და საოცრად ენერგიული ლაივ შოუების დამსახურებით ამერიკული ბენდი დღემდე არ კარგავს თავის სტატუსს და მნიშვნელობას.
ათეულობით მილიონი გაყიდული ალბომი და მსოფლიოს ყველაზე დიდ სტადიონებსა თუ საკონცერტო დარბაზებში ჩატარებული ტურნეები კიდევ ვერ გამოხატავს იმ მემკვიდრეობას, რომელსაც Guns N' Roses-ის შემოქმედება იტევს. საბედნიეროდ, ამ ყველაფრის ნაწილი მალე საქართველოც გახდება და ეს დიდი ამბების მხოლოდ დასაწყისია.
—-----------------------------------------------------------------------------------------------------------------
საქართველოს მთავრობის მხარდაჭერით, Starring Georgia გრძელდება. უცვლელი რჩება ჩვენი კომპანიის მთავარი მიზანი : ხელმისაწვდომი გახადოს ქართველი ახალგაზრდებისთვის საკუთარ ქვეყანაში მათი საყვარელი მუსიკოსების მოსმენა, განავითაროს ქვეყნის გასართობი ინდუსტრია და ხელი შეუწყოს საქართველოს პოპულარიზაციას.
უახლესი
