ერდოღანმა ბაქო-თბილისი-ყარსის რკინიგზით საბაჟო პროცედურების გამარტივებაზე შეთანხმება დაამტკიცა

ტურქეთის პრეზიდენტმა რეჯეფ თაიფ ერდოღანმა ბაქო-თბილისი-ყარსის სარკინიგზო პროექტის ფარგლებში 2022 წლის 18 აგვისტოს ბაქოში ხელმოწერილი გადაწყვეტილების რატიფიცირება მოახდინა.

ხელშეკრულება გულისხმობს „თურქეთის, აზერბაიჯანისა და საქართველოს მთავრობებს შორის მონაცემთა წინასწარი გაცვლის შესახებ საბაჟო ტრანზიტის ოპერაციების ხელშეწყობას“ 

Report-ის ცნობით, აზერბაიჯანის მხრიდან შეთანხმებას ხელი მოაწერა სახელმწიფო საბაჟო კომიტეტის თავმჯდომარის პირველმა მოადგილემ, მოვალეობის შემსრულებელმა. თავმჯდომარე შაჰინ ბაგიროვმა, თურქული მხრიდან - ვაჭრობის მინისტრის მოადგილე, საბაჟო დეპარტამენტის უფროსმა რზა თუნა თურაგაიმ, საქართველოს მხრიდან კი შემოსავლების სამსახურის ხელმძღვანელმა ლევან კაკავამ.

დოკუმენტი მიზნად ისახავს პირველადი მონაცემების ელექტრონული გაცვლის განხორციელებას, რათა ხელი შეუწყოს ბაქო-თბილისი-ყარსის რკინიგზაზე ტრანზიტით გადაზიდული საქონლის საბაჟო პროცედურებს, რომელიც სამი სახელმწიფოს ტერიტორიაზე გადის.

„რკინის აბრეშუმის გზა“ იგივე „ბაქო-თბილისი-ყარსის“ რკინიგზა ექსპლუატაციაში 2017 წლის 30 ოქტომბერს შევიდა.

პროექტის ფარგლებში აშენდა ყარსი-ახალქალაქის რკინიგზის 98 კმ სიგრძის მონაკვეთი, საიდანაც 68 კმ თურქეთზე, ხოლო 30 კმ საქართველოზე გადის. ასევე  საქართველოში ახალქალაქი-თბილისის 183 კმ მონაკვეთის რეკონსტრუქცია განხორციელდა.

რკინიგზის მაგისტრალის ქართულ ნაწილზე სამუშაოები აზერბაიჯანმა დააფინანსა, და საქართველოს ორი შეღავათიანი სესხი გამოუყო, ჯამში $775 მილიონი.

BTK-ის საერთო სიგრძე 826 კმ-ია. 2021 წელს ამ რკინიგზაზე ტვირთის გადაზიდვის მოცულობამ შეადგინა 476,9 ათასი ტონა (+ 2,1-ჯერ მეტი 2020 წლის მაჩვენებელზე).