6 თვეში საქართველოდან რეკორდული, 990,864.43 ათასი დოლარის ღირებულების ავტომობილების რეექსპორტი დაფიქსირდა

მიმდინარე წლის პირველ ნახევარში ქვეყნიდან 990,864.43 ათასი დოლარის ღირებულების 51,011.00 ერთეული მსუბუქი ავტომობილის რეექსპორტი განხორციელდა.

აღნიშნული მაჩვენებლები კი გასული წლის სტატისტიკასთან 75%-იან ზრდას აჩვენებს.

2022 წლის 6 თვეში ქვეყნიდან 29,222.00 ერთეული მსუბუქი ავტომობილის რეექსპორტი განხორციელდა. ღირებულებით ნაწილში კი მსუბუქი ავტომობილების რეექსპორტის ჯამური ღირებულება 267%-ითაა მომატებული.

TOP--5 ქვეყანა, სადაც 2023 წლის პირველ ნახევარში საქართველოდან ყველაზე მეტი მსუბუქი ავტომობილის რეექსპორტი დაფიქსირდა:

აზერბაიჯანი - 14,206.00 ერთეული მსუბუქი ავტომობილის რეექსპორტი, რომლის ღირებულებამაც 226,101.62 ათასი დოლარი შეადგინა;
ყაზახეთი - 13,916.00 ერთეული მსუბუქი ავტომობილის რეექსპორტი, რომლის ღირებულებამაც 235,744.65 ათასი დოლარი შეადგინა;
სომხეთი - 10,235.00 ერთეული მსუბუქი ავტომობილის რეექსპორტი, რომლის ღირებულებამაც 184,784.45 ათასი დოლარი შეადგინა;
ყირგიზეთი - 5,840.00 ერთეული მსუბუქი ავტომობილის რეექსპორტი, რომლის ღირებულებამაც 236,017.23 ათასი დოლარი შეადგინა;

რუსეთი - 3,786.00 ერთეული მსუბუქი ავტომობილის რეექსპორტი, რომლის ღირებულებამაც 52,513.56 ათასი დოლარი შეადგინა;