TOP 5 პროდუქტი, რასაც საქართველო აზერბაიჯანში ყიდის და ყიდულობს

აზერბაიჯანში ექსპორტიც და იმპორტიც შემცირებულია. საქსტატის ინფორმაციით, 2024 წლის იანვარ-ნოემბერში საქართველომ აზერბაიჯანში 664,367.22 ათასი დოლარის პროდუქცია გაიტანა ექსპორტზე, 2023 წლის ანალოგიურ პერიოდი კი 787,832.31 ათასი დოლარის, შესაბამისად კლება 16%-ს შეადგენს.

2024 წლის 11 თვეში საქართველოს მიერ აზერბაიჯანში განხორციელებულ ექსპორტში პირველ ადგილზე მსუბუქი ავტომობილებია, ხოლო შემდეგ მოდის თამბაქო და თამბაქოს სამრეწველო შემცვლელები.

TOP 5 პროდუქტი, რასაც საქართველო აზერბაიჯანში ყიდის:

• მსუბუქი ავტომობილები - 272,068.59 ათასი დოლარი,
• სამრეწველო დამზადების სხვა თამბაქო და თამბაქოს სამრეწველო შემცვლელები - 46,101.16 ათასი დოლარი,
• ტარა ქაღალდის, მუყაოს, ცელულოზის ბოჭკოს ბამბის ან ტილოსაგან - 35,112.47 ათასი დოლარი,
• სატვირთო ავტომობილები - 29,708.31 ათასი დოლარი,
•  სამკურნალო საშუალებები დაფასოებული - 23,835.09 ათასი დოლარი.

რაც შეეხება აზერბაიჯანიდან იმპორტს, აქ კლება 12%-ზეა. 2024 წლის იანვარ-ნოემბერში საქართველომ აზერბაიჯანიდან 515,736.07 ათასი დოლარის პროდუქცია იყიდა, 2023 წლის ანალოგიურ პერიოდში კი 583,475.03 ათასი დოლარის. აზერბაიჯანიდან საქართველოში ნომერ პირველი საიმპორტო პროდუქტი ნავთობპროდუქტებია.

TOP 5 პროდუქტი, რასაც საქართველო აზერბაიჯანიდან ყიდულობს:

• ნავთობის აირები და აირისებრი ნახშირწყალბადები სხვა - 217,883.81 ათასი დოლარი,
• ნავთობი და ნავთობპროდუქტები - 75,885.74 ათასი დოლარი,
• ცემენტი - 55,013.35 ათასი დოლარი,
• სიგარები, სიგარილები და სიგარეტები თამბაქოს ან მისი შემცვლელებისაგან - 26,566.93 ათასი დოლარი,
• მსუბუქი ავტომობილები - 13,029.12 ათასი დოლარი.