კომპანია შინაო • Shinao მომხმარებლებს თერმულად დამუშავებულ, შეფუთულ გაყინულ ბოსტნეულს, მწვანილსა და ხილს დაქუცმაცებული/დაჭრილი სახით სთავაზობს. მისი კონცეფცია საკვების მომზადების პროცესის გამარტივებას ეფუძნება, რადგან შეფუთვაში არსებულ პროდუქციას მომზადებისთვის რამდენიმე წუთი სჭირდება. მნიშვნელოვანია ისიც, რომ შინაოს შეფუთვაში ქართველი ფერმერების მიერ ნაწარმოები სხვადასხვა პროდუქტს შეხვდებით. მიმდინარე სიახლეებზე Business Insider Georgia შინაო • Shinao-ს კომერციულ დირექტორს გიორგი ქვრივიშვილს ესაუბრა. 

„შინაოს“ პროდუქია ამ დროისთვის „ფრესკოსა“ და „გუდვილის“ ქსელებში და უბნის მარკეტებშია ხელმიაწვდომი“, - განმარტავს კომპანიისს კომერციული დირექტორი გიორგი ქვრივიშვილი.

შინაო • Shinao სამაცივრე მეურნეობას ფლობს და ბაზარზე გაყინული ხილ-ბოსტნეული და შეფუთული მწვანილი გამოაქვს.

„2021 წლის ბოლოს გამოვუშვით პირველი პროდუქტი - გაყინული კარტოფილი. შემდეგ დავიწყეთ შეფუთული მწვანილის 6 სახეობის წარმოება. ასევე, გაყინული პროდუქციის ასორტიმენტის გაზრდა. ახლა უკვე გვაქვს სტაფილო, ჭარხალი, ყვავილოვანი კომბოსტო. ასევე, ბაზარზე გავიტანეთ ამ პროდუქტების მიქსები. 2023 წლის დასაწყისში უკვე დავამატეთ გაყინული ხილი“, - აცხადებს „შინაოს“ კომერციული დირექტორი.

კომპანიას მიმდინარე სიახლე აქვს  ჰორეკა სექტორთან მიმართებით.

„შინაო“ გეგმავს 5 კილოგრამიან შეფუთვებში დაფასოოს ჰორეკას ქსელისთვის პროდუქია. რესტორნებისთვის, კაფეებისთვის და სასტუმროებისთვის. აღნიშნულის განხორციელებას უახლოეს მომავალში ვგეგმავთ“, - აღნიშნავს კომპანიის კომერციული დირექტორი.