შალვა პაპუაშვილმა პარლამენტში უსაფრთხოების დაცვის ახალი წესი დაამტკიცა

პარლამენტში უსაფრთხოების დაცვის ახალი წესი დამტკიცდა. ამის შესახებ პარლამენტის თავმჯდომარე შალვა პაპუაშვილი Facebook-ზე წერს.

„დღეს დავამტკიცე პარლამენტის სასახლეში უსაფრთხოების დაცვის ახალი წესი, რომელიც ადგენს:

• პარლამენტის სასახლეში შესასვლელი საშვის დაშვებისა და სასახლეში შესვლის პირობებს,
• პარლამენტის სხდომათა დარბაზის სივრცეებს,
• პარლამენტის სასახლის ვიზიტორთა ქცევის წესს და მისი დარღვევის შედეგებს,
• მოსალოდნელი საფრთხის მიხედვით უსაფრთხოების სხვადასხვა დონეს.

„საქართველოს პარლამენტის სასახლეში უსაფრთხოების დაცვის შესახებ“ წესი 2023 წლის 18 სექტემბრიდან ამოქმედდება“, - წერს პაპუაშვილი.