სახელმწიფო ფასიანი ქაღალდების პორტფელის 43%-ის დაფარვის ვადა 3-5 წელია

2023 წლის დეკემბერში 6 გამოშვებისა და 1 გამოსყიდვის აუქციონი ჩატარდა. სახაზინო ფასიანი ქაღალდების ჯამურმა გამოშვების მოცულობამ შეადგინა 219 მლნ ლარი.

საშუალო შეწონილი საპროცენტო განაკვეთი 8.51%-ზე დაფიქსირდა. 

საანგარიშო პერიოდში გამოშვებულ იქნა 6 და 12 თვის ვადიანობის და 3, 5, 7 და 11 წლის ნარჩენი ვადიანობის მქონე სახაზინო ობლიგაციები. დაიფარა 52.11 მლნ ლარის მოცულობის სახაზინო ვალდებულებები, მათ შორის გამოსყიდულ იქნა 2.11 მლნ ლარის ღირებულების სახაზინო ობლიგაციები.  სახაზინო ფასიანი ქაღალდების პორტფელმა მცირე ცვლილებები განიცადა.

2023 წლის 31 დეკებრისათვის სახელმწიფო ფასიანი ქაღალდების პორტფელის 43% ფორმირებულია (წინა პერიოდში 42.6% იყო) იმ ფასიანი ქაღალდებით, რომელთა დაფარვის ვადა დგება მომავალი 3-5 წლის განმავლობაში.

სახელმწიფო ფასიანი ქაღალდების ფორტფელში ასევე დიდი წილი უკავია 1-დან 3 წლამდე ობლიგაციებს (დაახლოებით 23%). ეს უკანასკნელი მაჩვენებელი წინა პერიოდში (ნოემბერი) 23.5%-ზე იყო. 

დეკემბერში მოთხოვნის კოეფიციენტი გასული თვის მაჩვენებელთან (ნოემბერი 2.71) შედარებით შემცირდა და 2.31 შეადგინა.