ქუთაისში ადრიანო ჩელენტანოს ორეულის კონცერტი გაიმართება

 ქუთაისში ადრიანო ჩელენტანოს ორეულის კონცერტი გაიმართება. ბილეთის ფასი 35-დან 100 ლარამდეა.

TKT.ge-ზე განთავსებული ინფორმაციის მიხედვით, 9 დეკემბერს Პირველად ქუთაისში, ,,კრეატივ ეპიზოდის’’ ორგანიზებით, “ბერი ანდრიას” სახელობის საქველმოქმედო ფონდი წარმოგიდგენთ, ადოლფო სებასტიანის - ადრიანო ჩელენტანოს ორეულის კონცერტს.

კონცერტიდან შემოსული თანხა “ბერი ანდრიას” სახელობის ფონდში გადაირიცხება.

კონცერტი ლადო მესხიშვილის სახელობის თეატრში 20:00 საათზე დაიწყება.

„თავიდან შეიყვარეთ ადრიანო ჩელენტანო ადოლფო სებასტიანის ოფიციალური ტრიბუტით!

ადრიანო ჩელენტანო მსოფლიოში ცნობილი და აღიარებული არტისტი და უნიკალური პიროვნებაა, როგორც ფილმებში, ასევე სცენაზე.

ის არის კინორეჟისორი და სცენარისტი, მუშაობს ტელეწამყვანად და ვიდეო რედაქტორად და მეტიც, ის ფანტასტიკური მომღერალია.

არის თუ არა ვინმე ისეთი ცნობილი თეატრების, კინოსა და შოუების სამყაროში? ჩელენტანო აბსოლუტურად წარმოუდგენელია ყველაფერში, რასაც აკეთებს.

დღეს ჩელენტანოს მრავალი თრიბიუთი და დოპელგენერი არსებობს, მაგრამ ყველაზე ცნობილი არის ჩელენტანოს შოუ ადოლფო სებასტიანის მონაწილეობით.

ადოლფო სებასტიანის შოუ-პროგრამა სწრაფად გახდა პოპულარული როგორც იტალიაში, ასევე მის ფარგლებს გარეთ, ის ასევე მოიწონა თავად ადრიანო ჩელენტანომ“, - აღნიშნულია  TKT.ge-ზე გამოქვეყნებულ ინფორმაციაში.