კომერციული ექსპლუატაციის დაწყებიდან, ტრანსადრიატიკის გაზსადენმა (TAP) ევროპაში დაახლოებით 21,5 მილიარდი კუბური მეტრი გაზი გადაიტანა.
ამის შესახებ TAP-ის მმართველმა დირექტორმა ლუკა შიეპატმა განაცხადა.
მან აღნიშნა, რომ ამ მოცულობიდან 18 მილიარდი კუბური მეტრი იტალიაზე მოდის.
„ამგვარად, TAP ქვეყანას მიწოდების სანდოობის გაძლიერებასა და ბაზრის ლიკვიდურობის გაზრდაში დაეხმარა, - დასძინა მმართველმა დირექტორმა.
„TAP-მა, სხვა ინტერკონექტორებთან სინერგიით, ხელი შეუწყო ჩვენს წინაშე არსებული გამოწვევების დაძლევას. ამავდროულად, აუცილებელია ვიფიქროთ მომავალ ზამთარზე“, - განაცხადა ლუკა შიეპატმა
შეგახსენებთ, რომ ტრანსადრიატიკული მილსადენის სიმძლავრე 10 მილიარდი კუბური მეტრია, თუმცა სიმძლავრის გაზრდა 20 მილიარდ კუბურ მეტრამდეა შესაძლებელი.
