საერთაშორისო ბაზარზე ყავის ფასი გაიზარდა, იმპორტი კი შემცირდა

ორ თვეში საქართველომ თითქმის 7 მლნ დოლარის ყავა იყიდა. საქსტატის ინფორმაციით, 2025 წლის იანვარ-თებერვალში ქვეყანაში 6,979.34 ათასი დოლარის ღირებულების 1,074.60 ტონა ყავა იყიდა. 2024 წლის ანალოგიურ პერიოდში კი 5,108.03 ათასი დოლარის ღირებულების 1,350.85 ტონა ყავა/ ეს მაჩვენებლები კი იმას ნიშნავს, რომ მოცულობის მხრივ ყავის იმპორტი 20%-ითაა შემცირებული. თუმცა აღნიშნული მაჩვენებლები იმასაც ასახავს, რომ საერთაშორისო ბაზარზე ყავის ფასი მნიშვნელოვნადაა გაზრდილი.

ანუ გამოდის, რომ მიმდინარე წელს 1 ტონა ყავის მარცვალში ქვეყანამ საშუალოდ 6 495 დოლარი გადაიხადა, ხოლო 2024 წლის ანალოგიურ პერიოდში კი 3 781 დოლარი.

2025 წლის იანვარ-თებერვალში ქვეყანაში იმპორტირებული ყავის 53%-ი ინდონეზიაზე მოდის.

TOP 5 ქვეყანა, საიდანაც საქართველომ ყავის მარცვლების იმპორტი განახორციელა:

• ინდონეზია - 570.60 ტონა;
• რუსეთი - 127.18 ტონა;
• ვიეტნამი - 96.60 ტონა;
• იტალია - 81.24 ტონა;
• გერმანია - 40.59 ტონა;

აღსანიშნავია, რომ 2024 წელს 39,310.99 ათასი დოლარის ღირებულების 7,276.63 ტონა ყავა იყიდა. არსებული სტატისტიკით კი საქართველოში ყავის იმპორტი 2022 წელს დაფიქსირდა, როდესაც საქართველოში 7,660.00 ტონა ყავის იმპორტი განხორციელდა.