როგორია აშშ-დან საქართველოში განხორციელებული პირდაპირი უცხოური ინვესტიციების სტატისტიკა

ბოლო წლების სტატისტიკით აშშ-დან საქართველოში ყველაზე მეტი პირდაპირი უცხოური ინვესტიცია 2022 წელს, ხოლო ყველაზე ცოტა - 2021 წელს განხორციელდა. 

საქსტატის ინფორმაციით, 2022 წელს აშშ-დან საქართველოში 176.5 მლნ დოლარის უცხოური ინვესტიცია განხორციელდა. ეს მონაცემები კი 2021 წლის მაჩვენებლებთან 834%-ით არის გაზრდილი. 

თუ სტატისტიკურ მაჩვენებლებს დავაკვირდებით სახეზეა, რომ აშშ-დან საქართველოში პირდაპირი უცხოური ინვესტიციების ნაკადი პანდემიამდე მზარდი იყო. 

რა მოცულობის პირდაპირი უცხოური ინვესტიცია განხორციელდა აშშ-დან საქართველოში:

• 2016 წელი - 59.8 მლნ დოლარი,
• 2017 წელი - 79.1 მლნ დოლარი,
• 2018 წელი - 105.0 მლნ დოლარი,
• 2019 წელი - 115.7 მლნ დოლარი,
• 2020 წელი - 99.0 მლნ დოლარი,
• 2021 წელი - 18.9 მლნ დოლარი,
• 2022 წელი - 176.5 მლნ დოლარი.

დაზუსტებული მონაცემებით, საქართველოში განხორციელებული პირდაპირი უცხოური ინვესტიციების მოცულობამ 2022 წელს 2 097.9 მლნ. აშშ დოლარი შეადგინა, რაც 2021 წლის შესაბამის მაჩვენებელზე 1.7-ჯერ მეტია, ხოლო 2022 წლის წინასწარ მონაცემებს 4.9 პროცენტით აღემატება.