საქართველოს საავტომობილო გზების დეპარტამენტში ამ დრომდე ვერ აკონკრეტებენ თუ როდის აღდგება რიკოთის მონაკვეთზე საავტომობილო მიმოსვლა.
„აქტიურად მიმდინარეობს გაწმენდითი სამუშაოები და როგორც კი იქნება ამ ინფორმაციის გავრცელების საშუალება, ყველა მედიასაშუალებას მივაწოდებთ, რომ აღდგა საავტომობილო მიმოსვლა“, - განუცხადეს „ბიზნეს ინსაიდერს“ დეპარტამენტში.
როგორც ცნობილია, ძლიერი წვიმის შედეგად, რიკოთზე ჩამოსულმა მიწის შვავმა მოძრაობის შეზღუდვა გამოიწვია
საქართველოს რეგიონული განვითარებისა და ინფრასტრუქტურის სამინისტროს, საავტომობილო
გზების დეპარტამენტის ინფორმაციით, საერთაშორისო მნიშვნელობის თბილისი-სენაკი-ლესელიძის
საავტომობილო გზის 169-ე კმ-ზე (რიკოთის მონაკვეთი) ძლიერი წვიმის შედეგად რამდენიმე
ადგილზე ჩამოსულმა მიწის შვავმა შეაფერხა საავტომობილო მიმოსვლა. ამ დროისათვის გაწმენდითი სამუშაოები აქტიურად მიმდინარეობს.
