რა ტიპის პრეტენზიებს აფიქსირებენ კომერციულ ბანკების მიმართ მომხმარებლები - სტატისტიკა

კომერციულ ბანკებში მომხმარებელთა მხრიდან დაფიქსირებული პრეტენზიები თვიურ ჭრილში 16%-ითაა შემცირებული, ხოლო წლიურ ჭრილში 33%-იან ზრდას აჩვენებს.

აგვისტოში კომერციულ ბანკებში დაფიქსირებული პრეტენზიების რაოდენობამ 2 176 ერთეული პრეტენზია შეადგინა. სებ-ის ინფორმაციით, ივლისში კომერციულ ბანკებში მომხმარებელთა მხრიდან 2 596 პრეტენზია დაფიქსირდა, ხოლო 2023 წლის აგვისტოში 1 635 პრეტენზია.

აგვისტოში დაფიქსირებული პრეტენზიებიდან ყველაზე მეტი, საუბარია 61%-ზე მიმდინარე ანგარიშთან/სადებეტო ბარათთან დაკავშირებული პრეტენზიები იყო. მხოლოდ აგვისტოში სამომხმარებლო სესხთან დაკავშირებით კომერციულ ბანკები 253 პრეტენზია დაფიქსირდა.

რაც შეეხება პრეტენზიის ხასიათის მიხედვით სტატისტიკას, ის ასე გამოიყურება:

ტრანზაქციები - 1221 პრეტენზია,

ადმინისტრაცია/მომსახურება - 438 პრეტენზია,

ხელშეკრულების პირობებთან დაკავშირებული პრეტენზიები - 173 პრეტენზია,

მომსახურების საკომისიოები - 66 პრეტენზია,

ჯარიმები და ვადაგადაცილების საკომისიოები - 62 პრეტენზია,

საპროცენტო შენატანები - 38 პრეტენზია,

თანამშრომლის მიერ არასწორად მიწოდებული ინფორმაცია - 36 პრეტენზია,

მომხმარებლის შესახებ კონფიდენციალური ინფორმაციის გაცემა - 23 პრეტენზია,

ეთიკასთან დაკავშირებული - 14 პრეტენზია,

რეკლამა, გაყიდვები, რჩევები - 6 პრეტენზია,

ეროვნული ბანკის პრეზიდენტის #32/04 ბრძანების მოთხოვნის დარღვევა ინფორმაციის მიუწოდებლობაზე - 3 პრეტენზია,

პრეტენზიები დაკავშირებული საკრედიტო ხელშეკრულების მხარის მიერ მესამე პირებთან დაკავშირებით  -  1 პრეტენზია,

კრედიტის წინსწრებით დაფარვის საკომისიო - 1 პრეტენზია,

სხვა  - 86 პრეტენზია.