ერთად ვუგულშემატკივროთ გენო პეტრიაშვილს პარიზის ოლიმპიადაზე - საქართველოს ბანკი საქართველოს ეროვნული ოლიმპიური ნაკრების მთავარი სპონსორია

პარიზის ოლიმპიური თამაშები აქტიურ ფაზაში მიმდინარეობს. მის დასრულებამდე კი სულ რამდენიმე დღე დარჩა.

ქართველი ქომაგები თავისუფალ ჭიდაობაში ქართველი ოლიმპიელების საგულშემატკივროდ ემზადებიან.

9 აგვისტოს თავისუფალ ჭიდაობაში გენო პეტრიაშვილი, 125 კგ კატეგორიაში იასპარეზებს.

გენო პეტრიაშვილი ერთ-ერთი საუკეთესო თავისუფალი სტილით მოჭიდავეა საქართველოს ისტორიაში, რომელმაც 2020 წლის ტოკიოს ოლიმპიადაზე ვიცე-ჩემპიონის სტატუსი, 2016 წელს რიო დე ჟანეიროში გამართულ ოლიმპიურ თამაშებზე კი ბრინჯაოს მედალი მიიღო.

ის არის სამგზის მსოფლიო ჩემპიონი (2017, 2018 და 2019 წლები); ასევე მსოფლიო ჩემპიონატზე ორგზის გახდა ვერცხლის და სამგზის ბრინჯაოს პრიზიორი.

ამასთან, გენო პეტრიაშვილი არის ევროპის ორგზის ჩემპიონი, ხუთგზის ვერცხლის და სამგზის ბრინჯაოს პრიზიორი. ევროპის I თამაშებში  კი მან ბრინჯაოს მედალი მოიპოვა.

მისი პირადი მწვრთნელი ნუგზარ სხირელი იყო. სწორედ მასთან მუშაობის პერიოდში გენომ მოიპოვა ყველა ოქროს მედალი.  გენოს შემდეგ წარმატებას მის  პატარა ძმა - კონსტანტინესაც უწინასწარმეტყველებენ, რომელიც სულ ცოტა ხნის წინ ევროპის 17-წლამდე ჩემპიონატის გამარჯვებული გახდა.

თუმცა, ეს პეტრიაშვილების  წარმატების ისტორიის მხოლოდ ნაწილია. საუკეთესო წინ არის.

ერთად ვუგულშემატკივროთ ქართველ სპორტსმენებს ოლიმპიურ გზაზე. საქართველოს ბანკი საქართველოს ოლიმპიური ნაკრების მთავარი სპონსორია.