წლის პირველ ნახევარში გვქონდა ძალიან კარგი მაჩვენებელი, - ეს განცხადება საქართველოს პრემიერ-მინისტრმა ირაკლი კობახიძემ დღეს გამართულ ბრიფინგზე საქართველოში პირდაპირი უცხოური ინვესტიციების მაჩვენებლების შეფასებისას გააკეთა.
პრემიერ-მინისტრის განცხადებით, არის თვეები, როცა ინვესტიციების მაჩვენებელი იცვლება, თუმცა ზოგადად ქვეყანაში ეკონომიკური ტენდენცია კარგია.
„მესამე კვარტალი ეს არის სექტემბრის ჩათვლით, ამიტომ ინვესტიციების შემცირებას ჩემს გადაწყვეტილებასთანა არანაირი კავშირი არ აქვს. ეს ჩვეულებრივი მოვლენაა, წელის განმავლობაში შეიძლება ერთი კვარტალი უკეთესი იყოს ვიდრე სხვა. მთლიანობაში ჩვენ გვაქვს ძალიან კარგი ეკონომიკური ტენდენციები. პირველი ათი თვის ჭრილში წელს გვაქვს ზუსტად ათპროცენტიანი ეკონომიკური ზრდა. რა თქმა უნდა ეს ტენდენცია უნდა შენარჩუნდეს. გვაქვს ძალიან კარგი ეკონომიკური მაჩვენებლები. შესაბამისად, მთელი მთავრობა ორიენტირებული იქნება იმაზე, რომ არა მხოლოდ შევინარჩუნოთ, არამედ კიდევ უფრო გავზარდოთ ეკონომიკური ზრდის ტემპი“,- აღნიშნა კობახიძემ.
უახლესი
5 საათის წინ
რამდენია საქართველოს სახელმწიფო საგარეო ვალი
