თალასა ჯგუფის/Thalassa Group მწვანე კონცხის ულამაზეს ფერდობზე ბოტანიკურ ბაღთან ახლოს, ზღვიდან 800 მეტრის დაშორებით პრემიუმ კლასის საცხოვრებელი კომპლექსის მშენებლობას ახორციელებს.
როგორც Business Insider Georgia- თან ,,თალასა ჯგუფის“ ფინანსურმა დირექტორმა თამარ ლომიძემ განაცხადა, ამ ეტაპზე მეოთხე სართულის მშენებლობა მიმდინარეობს, ხოლო ბინების 30% გაყიდულია.
„მრავალფუნქციური კომპლექსის მშენებლობა მაისში დავიწყეთ. პროექტი ეკოლოგიურად ყველაზე სუფთა გარემოში ხორციელდება. მშენებლობისას გამოიყენება მაღალი ხარისხის მასალებია, შენობა ენერგოეფექტურობაზეა გათვლილი. ამ ეტაპზე ბინების 30% გაყიდულია. ძირითადი მყიდველებია ქართველები, რომლებიც ცხოვრობენ საქართველოში ან ემიგრაციაში არიან. ბინების 70% განვადებით იყიდება, თუმცა ერთიანი გაყიდვებიც თანდათან აქტიურდება. აღსანიშნავია, რომ ჩვენ გვემსახურება ,,ბაზის ბანკი“ , რომელსაც სესხის გამარტივებული პირობები აქვს. სესხით ყიდვაც ერთიან გაყიდვაში ითვლება.“, - ამბობს კომპანიის ფინანსური დირექტორი.
რაც შეეხება ,,თალასა ჯგუფის“ საშემოდგომო აქციას, სწორედ ერთიანი გაყიდვების სტიმულირებისკენ არის მიმართული. ბინის ერთიანი გადახდით შეძენისას კომპანია მომხმარებლებს 8%-იან ფასდაკლებას სთავაზობს.
ცნობისთვის, „თალასა ჯგუფის" კომპლექსი 110 ბინას მოიცავს. საცხოვრებელი ბინის ფართი 47მ2-დან 96.1მ2-მდეა.
მიმდინარე მშენებლობა 2024 წლის დეკემბერში დასრულდება.
უახლესი
