256,7 მლნ ლარი - რის ხარჯზე იზრდება 2023 წლის სახელმწიფო ბიუჯეტის შემოსულობების მაჩვენებელი

2023 წლის სახელმწიფო ბიუჯეტში შესატანი ცვლილებების მიხედვით, შემოსულობების ჯამური მაჩვენებელი 256,7 მლნ ლარით იზრდება და 22 170,9 მლნ ლარს შეადგენს.
მათ შორის:
შემოსავლები - 18 239,9 მლნ ლარი (დამტკიცებულ გეგმასთან შედარებით გაზრდილია 620,0 მლნ ლარით);
საგადასახადო შემოსავლები შეადგენს 16 710,4 მლნ ლარს, რაც დამტკიცებულ გეგმასთან მიმართებაში გაზრდილია 420,0 მლნ ლარით, მათ შორის:
საშემოსავლო გადასახადის საპროგნოზო მაჩვენებელი განისაზღვრება 5 486,4 მლნ ლარით (იზრდება 346,4 მლნ ლარით). ზრდა გარდა დაგეგმილთან შედარებით მაღალი ეკონომიკური ზრდისა, გამოწვეულია იმ გარემოებით, რომ ქვეყანაში ხელფასების ზრდის მაჩვენებელმა გადააჭარბა ეკონომიკური ზრდის მაჩვენებელს;
მოგების გადასახადის საპროგნოზო მაჩვენებელი განისაზღვრა 2 000,0 მლნ ლარით (გეგმა უცვლელია);
დამატებული ღირებულების გადასახადის საპროგნოზო მაჩვენებელი განისაზღვრა 6 804,0 მლნ ლარით (იზრდება 133,7 მლნ ლარით). ზრდა ძირითადად გამოწვეულია დაგეგმილზე მაღალი ეკონომიკურ აქტივობით;
აქციზის საპროგნოზო მაჩვენებელი განისაზღვრა 2 220.0 მლნ ლარის ოდენობით (იზრდება 120.0 მლნ ლარით). ზრდა ძირითადად გამოწვეულია აქციზური პროდუქტის მოხმარების ზრდით;
იმპორტის გადასახადის საპროგნოზო მაჩვენებელი განისაზღვრა 150.0 მლნ ლარით (იზრდება 20.0 მლნ ლარით). ზრდა გამოწვეულია პროგნოზირებულთან შედარებით იმპორტის მეტი ზრდით;
სხვა გადასახადების საპროგნოზო მაჩვენებელი განისაზღვრა 50.0 მლნ ლარის ოდენობით (მცირდება 200,0 მლნ ლარით). შემცირება დაკავშირებულია საგადასახადო ზედმეტობის დაბრუნების მაღალი
მაჩვენებლით;
სხვა შემოსავლების პროგნოზი იზრდება 200,0 მლნ ლარით და განისაზღვრება 1 250.0 მლნ ლარის ოდენობით. ზრდაში ასახულია:
113,5 მლნ ლარი - დივიდენდების ზრდა (ეროვნული ბანკის მოგება);
40,0 - ტრანსფერები, რომლებიც სხვაგან არ არის კლასიფიცირებული;
20,5 მლნ ლარი - საპროცენტო შემოსავლის სახით;
20,0 მლნ ლარი - სანქციები (ჯარიმები და საურავები);
6,0 მლნ ლარი - სანებართვო მოსაკრებელი.
გრანტების სახით დაგეგმილი მაჩვენებლები უცვლელია და განისაზღვრება 279,6 მლნ ლარის ოდენობით;
არაფინანსური აქტივების კლების (პრივატიზაცია) სახით მისაღები თანხების გეგმა უცვლელია და შეადგენს 200.0 მლნ ლარს;
ფინანსური აქტივების კლების (სესხების დაბრუნება) მაჩვენებელი ასევე უცვლელია და შეადგენს 450,0 მლნ ლარს;
ვალდებულებების ზრდის სახით მისაღები სახსრები მცირდება 363,3 მლნ ლარით და განისაზღვრება 3 281,0 მლნ ლარის ოდენობით, მათ შორის:
საშინაო ფასიანი ქაღალდების წმინდა გამოშვების მაჩვენებელი არ იცვლება და განსაზღვრულია 1 400,0 მლნ ლარით;
საინვესტიციო კრედიტების მაჩვენებელი მცირდება 253,0 მლნ ლარით და შეადგენს 1 591,0 მლნ ლარს;
საბიუჯეტო დახმარების სახით მისაღები კრედიტების მაჩვენებელი მცირდება 110,0 მლნ ლარით და შეადგენს 290,0 მლნ ლარს.