Business Insider Georgia-თან „წერტის“ დამფუძნებელი ბიძინა გონაშვილი ამბობს, რომ 2024 წელს ორი ახალი ფილიალის გახსნა იგეგმება.
„2024 წელს ვგეგმავთ ასევე ორი ახალი ფილიალის გახსნას. ბევრი ახალი საინტერესო პროდუქტი დაემატება, რომელიც დღეს-დღეობით ბაზარზე არ არის“, - ამბობს ბიძინა გონაშვილი.
მისი თქმით, ასევე 2024 წელს „წერტის“ ქსელს მზა საჭმელების ხაზი დაემატება და ამ მიმართულებით წარმოება გაძლიერდება. ასევე იგეგმება შეფუთული ხილ-ბოსტნეულის ხაზის დამატება.
ცნობისთვის, კომპანია „წერტი“, რომელიც თბილისში საცალო გაყიდვებისა და ნახევარფაბრიკატების წარმოების წერტილს წარმოადგენს, „აგროქიზიყის“ შვილობილი კომპანიაა, რომელიც ფერმებსა და ცხოველთა კვების წარმოებას ფლობს.
ამ დროისთვის „წერტი“ 5 ფილიალით არის წარმოდგენილი და კომპანიაში 140 ადამიანია დასაქმებული.
კომპანია ხორცისა და ხორცპროდუქტების ნახევარფაბრიკატებს 2019 წლიდან აწარმოებს. 2020 წლიდან კი, საკუთარ რძის საწარმოში სხვადასხვა სახეობის რძის პროდუქტების წარმოება დაიწყო.
უახლესი
5 საათის წინ
თიბისი ბიზნესი განაგრძობს ბიზნეს განათლების სერიებს6 საათის წინ
ფეროშენადნობების ექსპორტი 102%-ითაა გაზრდილი
