დეკემბერში გვინდა გავმართოთ ეროვნული ზეიმი, გამარჯვების ზეიმი და კონცერტი - ირაკლი ღარიბაშვილი სტატუსის მონიჭებაზე

საქართველოს პრემიერ-მინიატრმა ირაკლი ღარიბაშვილმა განაცხადა, რომ. 14 ან 15 დეკემბერს ცნობილი გახდება ევროსაბჭოს გადაწყვეტილება საქართველოსთვის კანდიდატის სტატუსის მინიჭების შესახებ.

„იმისდა მიხედვით როდის იქნება გადაწყვეტილება, 14 ან 15-ში, ამ თარიღს დავაზუსტებთ, ალბათ 15 დეკემბერს მოხდება ეს, გვინდა გავმართოთ საერთო, სახალხო, ეროვნული ზეიმი, ასე დავარქვათ, გამარჯვების ზეიმი და კონცერტი და ერთად აღვნიშნოთ ეს ისტორიული გამარჯვება ჩვენი ქვეყნის და ჩვენი ხალხის და ჩვენი მთავრობის, ხელისუფლების მუშაობის შედეგი", - თქვა პრემიერ-მინისტრმა.