2023 წელს ქვეყანაში რეკორდული ღირებულების სუნამოების იმპორტი დაფიქსირდა

2023 წელს ქვეყანაში რეკორდული ღირებულების სუნამოების იმპორტი დაფიქსირდა. საქსტატის ინფორმაციით, 2023 წელს ქვეყანამ 37,284.62 ათასი დოლარის სუნამოები და ტუალეტის წყალი იყიდა, 2022 წელს კი 26,077.95 ათასი დოლარის, შესაბამისად ზრდა 43%-ია. აღსანიშნავია, რომ ბოლო 15 წლის სტატისტიკით 2023 წელს ქვეყანაში იმპორტირებული სუნამოების ღირებულება მაქსიმუმზეა. 

ქვეყანაში იმპორტირებული სუნამოების 26.5%-ი საფრანგეთზე მოდის, ეს კი იმას ნიშნავს, რომ საფრანგეთი სუნამოების კუთხით ნომერ პირველი იმპორტიორია. მეორე ადგილზე 10%-იანი წილით ბელგიაა, ხოლო მესამეზე ესპანეთი, რომლის წილიც სუნამოების საერთო იმპორტის ღირებულებაში 9%-ია. 2022 წლის TOP-3 იმპორტიორი ქვეყანა საფრანგეთი, პოლონეთი და ბელგია იყვნენ. 2021 წელს კი პირველ ადგილზე რუსეთი, მეორეზე საფრანგეთი, ხოლო მესამეზე პოლონეთი იყო.

2023 წლის  TOP-5 იმპორტიორი ქვეყანა, საიდანაც ყველაზე მეტი ღირებულების სუნამოები შემოვიდა

• საფრანგეთი - 9,883.76 ათასი დოლარი;
•  ბელგია - 3,795.58 ათასი დოლარი;
• ესპანეთი - 3,496.15 ათასი დოლარი;
• პოლონეთი - 3,095.00 ათასი დოლარი;
• იტალია - 3,003.23  ათასი დოლარი;