უნიკალური დიზაინი გამორჩეული თაობისთვის - საქართველოს ბანკის ახალი ციფრული სტუდენტური ბარათები

ციფრულ სამყაროში ყოველდღიური პროცესები სულ უფრო და უფრო მარტივდება. ნაღდი ფულით გადახდა ბარათით გადახდამ ჩაანაცვლა, ფიზიკური ბარათი კი – ციფრულმა ბარათმა.

ციფრულ ბარათს ბევრი უპირატესობა და შესაძლებლობა აქვს: არასდროს დაგრჩება სახლში, არ დაგეკარგება, არ დაგიზიანდება, არ დასჭირდება გამოცვლა, ბარათის ასაღებად არ მოგიწევს ფილიალში მისვლა, არც საფულის ტარებაა საჭირო, რადგან ციფრულ საფულეში შეგიძლია იმდენი ბარათი დაამატო, რამდენიც გინდა. გამოდის, სახლიდან გასვლისას მხოლოდ სმარტფონი უნდა გაიყოლო

რა განახლებები აქვს ციფრულ Student Card-ს მობილბანკში?

საქართველოს ბანკის მობილბანკის 8.0 ვერსიაში ციფრული სტუდენტური ბარათების მრავალფეროვანი დიზაინი დაგხვდება. რაც მთავარია, დიზაინის არჩევა საკუთარი ინტერესების მიხედვით თავად შეგიძლია – თან ისე, რომ შენი ინდივიდუალიზმი და თვითგამოხატვა არ დაიკარგოს. ამის მნიშვნელობას კვლევებიც ადასტურებენ, რომ უნიკალურობა პატარა დეტალებში ირეკლება და ჩვენს განწყობაზეც მოქმედებს.

განახლებულ მობილბანკში ციფრული სტუდენტური ბარათების დიზაინი 3 კატეგორიად იყოფა:

რეგიონები

თუ განსაკუთრებით გიყვარს შენი კუთხე ან საქართველოში მოგზაურობა, ლაშქრობა მოგწონს და ცდილობ აღმოაჩინო ახალი ადგილები, რეგიონების კატეგორიაში იპოვი ქვეყნის ღირსშესანიშნაობების დიზაინებს.

ინტერესები

ინტერესების კატეგორია მრავალფეროვან ადამიანებს აერთიანებს: მუსიკის, ხელოვნების, ცხოველების, სპორტის, ზამთრისა თუ ზაფხულის, წიგნების, მოგზაურობის, გეიმინგის მოყვარულებს. აქ აუცილებლად ნახავ შენი ჰობის თუ საყვარელი საქმიანობის შესაფერის დიზაინს.

ფერები

თუ მინიმალისტური ესთეტიკა მოგწონს, სასურველ ვიზუალს ფერების კატეგორიაში შეარჩევ. ფერები ხომთვითგამოხატვის ძლიერი შესაძლებლობაა.

რომ შევაჯამოთ, მობილბანკში სასურველი დიზაინის შერჩევასა და ციფრული Student Card-ის აღებას უფასოდ, სულ რამდენიმე წუთში შეძლებ. მთავარია, იყო სტუდენტი ან 18-23 წლის.

არ დაგავიწყდეს, ციფრული ბარათის ფუნქციები ფიზიკურის იდენტურია. ანუ შეგიძლია ისარგებლო სტუდენტური ბარათის ყველა უპირატესობით, იქნება ეს შეთავაზებები თუ სატრანსპორტო შეღავათი. თავად აირჩევ, რომელ ბარათზე გინდა ფასდაკლებების თუ სხვა უპირატესობების მიღება: ფიზიკურზე თუ ციფრულზე. ცვლილების მოთხოვნას კი მობილბანკის ჩატიდან ან BOGPay.ge-დან შეძლებ.

ასე რომ, მრავალფეროვანი, ფერადი და ციფრული თაობისთვის  ციფრული Student Card-ი ყველაზე კომფორტული და მარტივი პროდუქტია

შეარჩიე შენი დიზაინი ისევ საუკეთესო მობილბანკის 8.0 ვერსიაში.