საქართველოს ფინანსთა სამინისტროს საგამოძიებო სამსახურს ირაკლი ბერაია უხელმძღვანელებს. ფინანსთა მინისტრმა, ლაშა ხუციშვილმა ახალი უფროსი საგამოძიებო სამსახურის თანამშრომლებს დღეს წარუდგინა.
ფინანსთა მინისტრმა ისაუბრა საგამოძიებო სამსახურის მნიშვნელოვან როლზე ეკონომიკური და ფინანსური დანაშაულის წინააღმდეგ ბრძოლის საქმეში და იმედი გამოთქვა, რომ ახალი ხელმძღვანელის პირობებში, უწყება გააგრძელებს ეფექტიან მუშაობას ეკონომიკის უსაფრთხოებისა და განვითარების მიმართულებით.
მან სამსახურის ყოფილ უფროსს, სოსო რამიშვილს მადლობა გადაუხადა უწყების ხელმძღვანელობისათვის და წარმატებები უსურვა მომავალ საქმიანობაში.
საგამოძიებო სამსახურის ახალმა უფროსმა ირაკლი ბერაიამ მადლობა გადაუხადა პრემიერ-მინისტრსა და ფინანსთა მინისტრს გამოცხადებული ნდობისთვის და აღნიშნა, რომ საფინანსო-ეკონომიკურ სფეროში ჩადენილი დანაშაულის, კორუფციული გარიგებების წინააღმდეგ ბრძოლა და ფისკალური დისციპლინის შენარჩუნება, კვლავ სამსახურის მთავარი პრიორიტეტი იქნება.
უახლესი
1 საათის წინ
თორნიკე რიჟვაძემ თანამდებობა დატოვა
