თურქმენეთმა ბუნებრივი აირის ექსპორტი და წარმოება გაზარდა

თურქმენეთში, მიმდინარე წლის იანვრიდან მაისამდე, ბუნებრივი აირის ექსპორტისა და წარმოების საწარმოო გეგმა გადაჭარბებით შესრულდა.

ამის შესახებ თურქმენეთის მინისტრთა კაბინეტის თავმჯდომარის მოადგილემ ბატირ ამანოვმა  მინისტრთა კაბინეტის სხდომაზე განაცხადა.

მისი თქმით, საანგარიშო პერიოდში თურქმენეთში ბუნებრივი და ასოცირებული გაზის წარმოება 107,4 პროცენტით დასრულდა, ხოლო თხევადი გაზის წარმოება - 113,6 პროცენტით.

ამანოვმა ასევე ხაზგასმით აღნიშნა, რომ მიმდინარე წლის პირველ ოთხ თვეში ბუნებრივი აირის ექსპორტის გეგმა 109,9 პროცენტით შესრულდა.

უნდა აღინიშნოს, რომ თურქმენული სახელმწიფო კონცერნი Turkmengas-ის თანახმად, ქვეყნის ნახშირწყალბადების რესურსები შეფასებულია 71 მილიარდ ტონაზე მეტ ნავთობის ეკვივალენტად, მათ შორის 20 მილიარდ ტონაზე მეტი ნავთობია და 50 ტრილიონ კუბურ მეტრზე მეტი ბუნებრივი აირი.