თურქეთსა და სირიაში მიწისძვრებს 45 000-ზე მეტი ადამიანი ემსხვერპლა

ბოლო მონაცემებით, თებერვლის დასაწყისში თურქეთში მომხდარი მიწისძვრის გამო 45 ათასზე მეტი ადამიანი დაიღუპა, იტყობინება Reuters.

თურქეთში, ხელისუფლების მონაცემებით, 39 672 ადამიანი დაიღუპა. ცნობილია, რომ 5 800-ზე მეტი ადამიანი დაიღუპა მეზობელ სირიაში. სირიაში დაღუპულთა რაოდენობა რამდენიმე დღის განმავლობაში არ განახლებულა, აღნიშნავს Reuters.

თურქეთის ხელისუფლებამ განაცხადა, რომ 18 თებერვალს, მიწისძვრიდან 296 საათის შემდეგ, სამხრეთ თურქეთის ქალაქ ანტაკიაში საცხოვრებელი კორპუსის ნანგრევებიდან სამი ადამიანი, მათ შორის ერთი ბავშვი გამოიყვანეს.

თურქეთში 6 თებერვალს 7,7-7,8 მაგნიტუდის სიმძლავრის დამანგრეველი მიწისძვრა მოხდა, რომელიც ქვეყნის სამხრეთ-აღმოსავლეთის პროვინციებსა და სირიის ტერიტორიას შეეხო. 17 თებერვლის საღამოს სეისმოლოგებმა 4,7 ათასზე მეტი ბიძგები დააფიქსირეს.