ექსპორტი გაიზარდა, რაოდენობასთან ერთად ამანათის საშუალო წონა გაიზარდა, - აცხადებს Business Insider Georgia-სთან „საქართველოს ფოსტის“ გენერალური დირექტორი ლევან ჩიკვაიძე. მისივე განმარტებით, ამ შემთხვევაში საუბარი არ არის კომერციულ ტვირთებზე.
„გამოიკვეთა ისეთი ნიუანსები, რომლებიც ქვეყნებთან მიმართებით, ძირითადად იგივეა. შემიძლია ჩამოგითვალოთ, ექსპორტია ამ შემთხვევაში საინტერესო, რადგან ექსპორტი გაიზარდა, კერძოდ რაოდენობასთან ერთად, ამანათის საშუალო წონა გაიზარდა. ეს არ არის კომერციული ტვირთი, არამედ ფიზიკური პირის გზავნილი - ფიზიკურ პირთან. ექსპორტში, როგორც 2023 წელს ისე 2024 წელს ლიდერობს ისევ იტალია, საბერძნეთი, საფრანგეთი…აქ მხოლოდ მეხუთე ადგილი შეიცვალა, გერმანია ჩანაცვლდა პოლონეთით. მეოთხე ადგილზე ისევ ესპანეთია. რაც შეეხება იმპორტს, ასევე იტალია, გერმანია, საბერძნეთი მიმდინარე და გასულ წელსაც TOP 3-ში იგივე ქვეყნები დარჩა. აქაც მეხუთე ადგილი ჩანაცვლდა, თურქეთი ესპანეთით. ეს არის წონის მიხედვით სტატისტიკა. თუ რაოდენობრივად ავიღებთ, იმპორტში ჩინეთი ლიდერობს ისევ, თუმცა წონა დაბალია და ამ მონაცემით ხუთეულშიც ვერ მოხვდა. ასეთი მონაცემით ჩინეთი, თურქეთი, იტალია იყო პირველ სამეულში 2023 წელს. 2024 წელს, კი რაოდენობით იტალიამ გაუსწრო თურქეთს. ასევე გაიზარდა საქართველოდან ექსპორტი აშშ-ის მიმართულებით და ამქვეყნიდან იმპორტიც. თუმცა აშშ-დან გამოგზავნილი ამანათების რაოდენობა ბევრად აღემატება“, - აცხადებს ლევან ჩიკვაიძე.
„საქართველოს ფოსტის“ გენერალური დირექტორის თქმითვე, ასევე აღსანიშნავია, რომ აქტიურად მუშაობს კომპანიის საერთაშორისო გაცვლის პუნქტი ჩეხეთში, რომელიც ქალაქ პრაღაშია.
„ჩვენ პრაღიდან ვანაწილებთ ევროპის მიმართულებით გზავნილებს. გეოგრაფიულად ჩვენთვის სასურველი ტერიტორიაა და უფრო სწრაფად ხდება მომსახურება, რაც საბოლოოდ საქართველოს ფოსტის სერვისზე აისახება“, - განმარტავს ჩიკვაიძე.
უახლესი
1 საათის წინ
JetBlue 2 მილიონი დოლარით დაჯარიმდა
