TOP 5 ქვეყანა, სადაც საქართველოდან მსუბუქი ავტომობილების რეექსპორტი ხორციელდება

ავტომობილების რეექსპორტი 1%-ითაა შემცირებული. საქსტატის ინფორმაციით, 2024 წლის იანვარ-სექტემბერში საქართველოდან 1,762,609.17 ათასი დოლარის ღირებულების 78,610.00 ერთეული მსუბუქი ავტომობილის რეექსპორტი განხორციელდა, მაშინ როდესაც 2023 წლის 9 თვეში რეექსპორტს 79,316.00 ერთეული მსუბუქი ავტომანქანა დაექვემდებარა.

მიმდინარე წელს მსუბუქი ავტომობილების რეექსპორტის დიდი წილი მოდის ყაზახეთზე. 

TOP 5 ქვეყანა, სადაც საქართველოდან მსუბუქი ავტომობილების რეექსპორტი ხდება:

• ​ყაზახეთი - 37,304.00 ერთეული მსუბუქი ავტომობილი;
• ყირგიზეთი - 23,209.00  ერთეული მსუბუქი ავტომობილი;
• აზერბაიჯანი - 10,207.00  ერთეული მსუბუქი ავტომობილი;
• სომხეთი - 4,436.00  ერთეული მსუბუქი ავტომობილი;
• ტაჯიკეთი - 1,104.00  ერთეული მსუბუქი ავტომობილი;

აღსანიშნავია, რომ საქართველოდან მსუბუქი ავტომობილების რეექსპორტმა მაქსიმუმს 2023 წელს მიაღწია, როდესაც ქვეყნიდან 107,898.00 მსუბუქი ავტომობილის რეექსპორტი განხორციელდა.