აგვისტოში სპოტ გარიგებებით კომერციული ბანკებისგან დანარჩენი ეკონომიკური აგენტების მიერ წლიურად უცხოურ ვალუტაზე როგორც მოთხოვნა, ასევე მიწოდება გაზრდილია. სებ-ის ინფორმაციით, საერთო ჯამში, აგვისტოში სპოტ გარიგებებით კომერციული ბანკებისგან დანარჩენი ეკონომიკური აგენტების მიერ უცხოურ ვალუტაზე მოთხოვნა წლიურად 36.2 მლნ აშშ დოლარით გაიზარდა (თვიურად 174.2 მლნ აშშ დოლარით შემცირდა) და 1,468.0 მლნ აშშ დოლარი შეადგინა. ხოლო მიწოდება, წლიურად 122.6 მლნ აშშ დოლარით გაიზარდა (თვიურად 18.4 მლნ აშშ დოლარით შემცირდა) და 1,386.7 მლნ აშშ დოლარი შეადგინა.
სპოტ გარიგებებით როგორც ვალუტის შეძენაში, ასევე ვალუტის გაყიდვაში ყველაზე დიდი წილი იურიდიულ პირებსა და შინამეურნეობებზე მოდიოდა. აგვისტოში სავალუტო ფორვარდ3 გარიგებებით კომერციულ ბანკებსა და სხვა ეკონომიკურ აგენტებს შორის უცხოური ვალუტით ვაჭრობა წლიურად 30.8 მლნ აშშ დოლარით (თვიურად 12.4 მლნ აშშ დოლარით გაიზარდა) შემცირდა და 28.4 მლნ აშშ დოლარი შეადგინა.
ფორვარდ გარიგებებით ვაჭრობის ძირითადი ნაწილი იურიდიულ პირებსა და შინამეურნეობებზე მოდიოდა. ფორვარდ გარიგებებით დანარჩენი ეკონომიკური აგენტების მიერ ბანკებისგან უცხოური ვალუტის წმინდა შესყიდვამ 9.2 მლნ აშშ დოლარი შეადგინა.
