დავით გელუტაშვილი, რომელმაც საოკუპაციო ხაზთან, სოფელ დირბში, საგვარეულო მიწაზე ტყლაპის და ჩირის საწარმო ააშენა Business Insider Georgia-თან ამბობს, რომ 2024 წელს „ფრუტერას“ საწარმო მზის ენერგიაზე დაიწყებს მუშაობას.
„USAID-ის გრანტი მოვიპოვეთ, რომლითაც შევიძინეთ მზის პანელები. ჰელიო სისტემა მალე ჩამოვა საქართველოში და დავამონტაჟებთ საწარმოს სახურავზე და ელექტროენერგიის ხარჯი დაახლოებით 80%-ით შეგვიმცირდება“ - ამბობს დავით გელუტაშვილი.
საწარმო მზის ენერგიაზე თებერვლიდან გადავა.
„საშრობი დანადგარები, სამაცივრე აგრეგატები ელექტროენერგიაზეა და მზის პანელების დამონტაჟების შემდეგ, ხარჯები მნიშვნელოვნად შეგვიმცირდება. ეს არის დაახლოებით 20 000 ლარის ეკონომია, რაც სტარტაპისთვის ძალიან მნიშვნელოვანი ფინანსური შეღავათია“, - ამბობს მეწარმე.
იგივე თემაზე:
უახლესი
