რუსეთის „მარცვლეულის შეთანხმებიდან“ გასვლის ფონზე, ჩიკაგოს ბირჟაზე ხორბალი 3%-ით გაძვირდა

ჩიკაგოს საფონდო ბირჟაზე ხორბალი 2,95%-ით გაძვირდა და ბუშელზე 6,81 აშშ დოლარამდე შეადგინა, რასაც აუქციონის მონაცემები ადასტურებს. 

ხორბალის ღირებულების მატება მას შემდეგ დაიწყო, რაც კრემლმა  17 ივლისს გამოაცხადა, რომ „მარცვლეულის გარიგება“ ფაქტობრივად შეჩერებულია, რადგან რუსეთი ელოდება თავისი პირობების შესრულებას.

ამასთან, ხელისუფლება ირწმუნება, რომ ყირიმის ხიდზე თავდასხმასა და შეთანხმების გაგრძელებას შორის არანაირი კავშირი არ არის.

შეგახსენებთ, რომ გასული წლის ივლისში თურქეთმა, გაერომ, რუსეთმა და უკრაინამ სტამბულში ხელი მოაწერეს „მარცვლეულის შეთანხმებას“, ხორბლის ექსპორტის აღდგენის მიზნით, რომლებიც 2022 წლის თებერვალში რუსეთ-უკრაინის ომის დაწყების შემდეგ შეჩერდა.